[احلاهم واتحداهم]

غلطتي جيت كلي بالمحبه وضعت

[لايمكن مشاهده الصور والروابط الا بعد التسجيل ]

شفت وشلون خلق الله تحب الكلام
قلت لك لا تصدق كلامهم ما اقتنعت

ليش ضيقت صدري بالعتب والملام
وانت يا ما كلموني عنك وما سمعت

جيتني وانت ودك بزعل والخصام
باين اللي يبي السبه ولو ما اندفعت

غيروك العواذل طعتهم يا حرام
عقب ماكنت مقبل بالمحبة رجعت

خلهم ينفعونك لا تزيد اتهام
من عرفتك مضره وانت عمرك نفعت

وين كلمة احبك وين ذاك الغرام
ليش نزلت قدرك عقب ما انت ارتفعت

اه يا قوى قلبك لك عيون تنام
تجرح اللي يحبك بالكلام وقطعت

كان لك قدر عندي وانتهاء وسلام
غلطتي جيت كلي بالمحبه وظعت



.

المصدر: منتديات لمني بشوق - من قسم: (✿) وَزْن وَقَافِيْه