[دمعتي على خدي]

جـــــاني واحـــــد قـــال : بســـألك كــم ســـؤال؟؟؟

بسم الله الرحمن الرحيم


السلام عليكم ورحمة الله وبركاته





جاني واحد قال : بسألك كم سؤال؟؟؟؟
وقبل يسأل قلت : أنا ماني خبيره !
قال: جاوبي بس , يا بنت الحلال
وكل كلمه حِطَّيهَا .. فبيتٍ صغير
قال نبدي : شنهو تعريف المُحال..؟
قلت :
خَل الكلمهـ
فـ الشطر الأخيـر ..!

القهر : إن شفت دمعـات الرجال
والوطن : ( إنسان ) .. مِتغيِّر كثير
والطفل : لعبه على شاطـي الرمال
والأمل : إحساس في عين الضرير
الوفا : [ قلبين ] .. يجمَعهُم حلال
والرَجُل : اللـي علـى أهلـه يغير
والرجا : لا قلت : للواطـي تعال
والفشل : مدري .. ولكنـه مرير
الشعر : في وقتنا .. بدر وطلال
وكان أوَّل : حيـل يعجبنـي جرير ..!


والغلا : إحساس إلى حَـد الخيال
والعِشِق : لا شفت مَعشُوقِك تطير
والجفا : إعكس مفاهيم / الوصال
والوَصِل : يعنـي تأكَّـد فيك خير
والعقل : تِسْفَـه أقاويـل الجهال
والجهل : إن قلت عن نفسك كبير
والخطر : لا صار ما عندك مجال
والبلا : إن صرت معدوم الضمير
والعجب : لا صرت تسأل منهو قال
والتعب : إن كنت تِبْحَثْ عن مصير
الغنى : بالنفس ما هو راس مال
والفقر : من كان .. بأعماله فقير

يكفي يكفي .. أسئله إنهي الجدال
ويالله علمني عَن .. السِّر الخطير
ما أبي تضرب لي في غيرك مثال
قول : عنِّك وإعتبر سِرِّك في بير



جات طعنـه مِن جنوبك والشمال
يعني وضعِك بين مِن حُولك خطير


صاحبـي وإن ضاقت بعينك ليال
لك فرشت القلب مفروش الحرير


في [ بلاد الحلم ].. ممنوع العقال
والمصيبه الشعب ما أختار الأمير




وما ألومك .. كان شدِّيت الرحال
دام بيتك جرح / وفراشك حصير

هذا تعريفي إلى كلمة : مُحَال

شي ودِّك فيه ولا يمكن يصير ..!




ان شـــــــــــــالله ينيل اعــجابكم

منقووووووووووول

المصدر: منتديات لمني بشوق - من قسم: (✿) وَزْن وَقَافِيْه