مساء الجرح يا أجمل جروحي .. وينها دنياك؟
بكى وجه المكان
اللي تعود طلة جبينك
زوايا غرفتي ..عطرك... وقلب يرتجي لقياك
ودفتر يحتضن أحلى الأماني واجمل سنينك
تغيب ... وما يغيب بداخلي حبك ولا ذكراك
ويكسر هيبتي نفس السؤال واحتضر..
وينك ؟
* * *
أسافر عنك واتغرب .. أعاند حبك وأنساك
وتاخذني الدروب بغربتي لاقرب عناوينك
وانام من الألم واصحى على صوتك... ولا ألقاك
والاقي هالزمان
اللي وقف ما بيني وما بينك
واظل بحيرتي تايه... هنا نصفي ونصفي هناك
واكبر ذنب سويته ... زرعت الروح في طينك
شريتك يوم هالعالم رخصك وللألم خلاك
رضيت العيش في صحرى ...لاجل أروي بساتينك
حبيبي ..كان هو قصدك تحطم عاشقِ يهواك
وتزرع في ضلوع
اللي يحبك نصل سكينك
وهبتك روحي يا عمري .. واكيد انه الجسد يغلاك
وحاسب قبل لا تطعن .. أخاف تجرح يدينك
حلاة الموت يا حبي إذا يوصل على يمناك
ترى أجمل شرف إني أموت بطعنة يمينك
ولو طال العمر بكتب ... أحبك .. في سما دنياك
ويبقى
هالسؤال اللي كسرني للأسف ..
وينك ؟