[وائــــــــــل...]

محتـــــاج قلب

يا صاحبي حلمي طويل المشاويـر

اتعب صبر دنيـاي ينطـر ربيعـه

صبر الصحاري مل صيف المعاذير

والعمر يجري والليالـي سريعـه

محتاج قلبً يشتعل شوق ويطيـر

لا شافنـي وأنـا الوفـا ما أبيعـه

ويبشر بقلبً عاف كـل الغناديـر

كم بنت شيـخٍ حلمهـا ما يطيعـه

وكم حلم وردي شاب ما شاف تنوير

ما شاف من دنياه غيـر القطيعـه

وكم كلمـةٍ ما ترجمتهـا التعابيـر

ماتت بقصة حـزن جـداً فظيعـه

طفـل صغيـر وعذبتـه التفاكيـر

يصبر على صكات دنيـا شنيعـه

كم يطلب البسمه وجيه المسافيـر

مير أبخلت حتى القلـوب الوديعـه

واليوم جيت وصارت أيامنا غيـر

وشرفت والقلب أحتفل في ربيعـه

ما عاد به تحليق والقلـب ما يطيـر

ماله ومال أم العيـون الوسيعـه

وأنت الحشا بيتك على كيفك تسير

فل الحجاج وحـزن الايـام بيعـه

ملطوش

:'k:

المصدر: منتديات لمني بشوق - من قسم: (✿) تَرَاتِيْل الْرُّوْح