[اميرة الصمت...]

عصير قصب سكر ولا اتوبيس!!!!!!

إزيكوا يا جماعة

عندي ليكم قصة حصلت لواحد ماعرفوش

الراجل ده كانت ظروفه على قده ومرتبه بسيط جداً

المهم كان معاه ربع جنيه وبقى محتار ... قال لنفسه أشرب عصير قصب ولا أركب الأوتوبيس

لو شربت عصير يبقى مافيش مشكلة، لكن لو ركبت الأوتوبيس يبقى هاقف أو هاقعد

لو وقفت مفيش مشكلة، لكن لو قعدت يبقي هاقعد جنب راجل أو جنب ست

لو قعدت جنب راجل مفيش مشكلة، لكن لو جنب ست يبقى هاعجب بيها أو مش هاعجب بيها

لو ما أعجبتش بيها يبقى مفيش مشكلة، لكن لو أعجبت بيها يبقى هاتجوزها أو مش هاتجوزها

لو ما اتجوزتهاش يبقى مفيش مشكلة، لكن لو اتجوزتها يبقى هانخلف أو مش هانخلف

لو ما خلفناش مفيش مشكلة، لكن لو خلفنا يبقى هنجيب ولد أو هنجيب بنت

لو جبنا بنت مفيش مشكلة، لكن لو جبنا ولد يبقى هينحرف أو مش هينحرف

لو ما انحرفش مفيش مشكلة، لكن لو انحرف يبقى هيدمن أو مش هيدمن

لو ما أدمنش مفيش مشكلة، لكن لو أدمن يبقى هيكون معاه فلوس أو مامعاهوش فلوس

لو معاه فلوس مفيش مشكلة، لكن لو مامعاهوش يبقى هيسرقني أو هايقتلنــ..... إيه ده.. يقتلني..










لا ياعم أشرب عصير أحسن

[لايمكن مشاهده الصور والروابط الا بعد التسجيل ] [لايمكن مشاهده الصور والروابط الا بعد التسجيل ] [لايمكن مشاهده الصور والروابط الا بعد التسجيل ]

المصدر: منتديات لمني بشوق - من قسم: (✿) الضَحَك والفرفشَة