عرض مشاركة واحدة
قديم 09-21-06, 11:43 PM   #1
الحـلمـ الوردي...
منتديآت لمني بشوق
 
الصورة الرمزية الحـلمـ الوردي
افتراضي أجمل وصية ... وصية عاشـــــق ؟؟؟

كلمات نطقها عاشق قبل وفاته هي قصيده شعريه ومضمونها وصية

وصية لأقرب أصدقائه يوصيه على حبيبته...

وصاتي لك من بعـدي تمـوت فيهـا علشانـي ابيها تعيش و تحيا بك واظـل بالذاكـره مفقـود

وصاتي لك تنسيها ملامـح وجهـي و تنسانـي وتعزفها قصيدة حب على عكس اللي عزفته بعود

وصاتي لـك تبعدهـا عـن اشعـاري وقيفانـي تراها مغرمة بالحيل ويشهد لـي عـدد الـردود

وصاتي لك تسايرهاتـرى فيهـا مـن احزانـي طلبتك لايضيق بالك طلبتـك والطلـب مـردود

وصاتي لك تناديهـا حياتـي عمـري ازمانـي انـا عودتهـا دايـم ادلعهـا وانــا مـوجـود

وصاتي لك تعاملهـا بطيبـه قلـب و احسانـي تراها تـذرف الدمعـه ودمعتهـا بليٌـا حـدود

وصاتي لـك تحفظهـا سـور وآيـات قرآنـي وتخبرها عـن الميـت رحـل لايمكنـه بيعـود

وصاتي لـك ترسمهـا علـى قبـري وأكفانـي ابيها لوحة تبقى علـى طـول الزمـن محـدود

وصاتي لك تمازحها وتشوف الضحكة بأسنانـي سعيتك ياضحك هالكون طلبتك لاتصير جلمـود

وصاتي لـك تقهويهـا مـن دلالـي و فنجانـي تراها تعشق السمـرا ويكفيهـا دخـون العـود

وصاتي لك تركبها على خيلي و على حصانـي وربي فارسة من قلب شهـادة ماهـي لشهـود

وصاتي لـك تسفرهـا بـلاد الشـام و لبنانـي ترى يحلالها تقطف ورده وردة من بلد الـورود

وصاتي لك تراقصهـا علـى الحـان رحبانـي ترى فيها عرق خالة وفيها مـن جنـون السـود

وصاتـي لـك تحببهـا فأبونـورة بعـد هانـي وتنسيها ندم غلطة انـا فيهـا تـرى المقصـود

وصاتي لك تكرهها فـي تاريخـي و عنوانـي أبيها تلعـن اللحظةوتلعـن كـل فـرح موعـود

وصاتي لك تكلمها عن المجنـي وعـن الجانـي وتخليني انا الظالم وانـا مـن حـرق الاخـدود

وصاتـي لـك تشبهنـي بـدم أحمـر قـانـي وانا هالقاتل السفاح مجرم مـن عصـر نمـرود

وصاتـي لـك تحلفهـا تتـوب تحبنـي ثانـي ترى يكفيهـا ماعانـت ويكفـي حيلهـا مهـدود

وصاتـي لـك تنسيهـا وصيـة قالهـا لسانـي أنا اخبرك رجل موقـف وانـت قدهـا وقـدود

صديقي مالقيت غيرك يعرف وشلـون تنسانـي أمانه ضمها بقلبك تـرى خالـد رحـل مايعـود

تختلف الروايات والقصص في مناسبات القصائد ويبقى السر يمتلكه كاتب القصيده

تحياتي ...



التعديل الأخير تم بواسطة الحـلمـ الوردي ; 09-27-06 الساعة 02:16 PM
  رد مع اقتباس