الموضوع: اربع ورود
عرض مشاركة واحدة
قديم 10-27-06, 06:43 AM   #1
عسـل...
منتديآت لمني بشوق
افتراضي اربع ورود

الشوق عمره طويل وعلى الصبر زود ... وان طآل عمر الجفا جف القلم والكلام

اخآيل الشعر وبروقه حديث الرعود ... ويسمي الخير وجروحي حديث الظلام

ما اقول صدري هو اضيق صدر في ها الوجود ... لكني احس بين اضلوع صدري غرام

اعيش جو السعاده با الدعا في السجود ... لا طرف الليل ثلثينه وعزّ المنام

الله يخلي لقلبي ضحكة اربع ورود ... ويرد لعيوني الضميا سميّ الغمام

انسان واملك من الاحساس فوق الحدود ... لو لحقوني على احساسي عتاب وملام

عالم لك الله يافيهم غزارة برود ... مدري برودة وجه والا برودة اعظام

طبيعتي لا انكشف ستر الزمن عن جحود ... اقابله با ابتسامه واتركه با احترام

وان طق صدري رفيقي من عناه امحدود ... ابشره با السعد قدام رد السلام

وان قال وش حالك وحالي حبيسة قيود ... اقول له طيب وكلش على ما يرام

ممنون الايام لاهانت عيون الحسود ... من طيب فزعاتها حظ التناهيد قام

لو للمقادير مع وجه الـ ابن آدم وعود ... ان كان مرت مصايبنا مرور الكرام

لكنها حكمة الخالق والنصيب امعقود ... الله يديم السعاده في وجيه الانام

ياليت شعري الا ياليت الليالي تعود ... يوم التجافي دقيقه كانه افراق عام

اسالك با للي جعلك كلك رهاوة عدود ... لا تبطي عيوني الثنتين منها حيام

صدقني اني فقدتك والجوارح شهود ... ارجوك لا تعتبر بعدك سبيل انتقام

اي والله اخطيت في حقك وجيت امهدود ... والعذر في ذمتي ماهوب قد المقام

اخطيت والبعد يوجعني ولا انت امحدود ... تحط بيني وبينك في المحبه نظام

لو الخطا بين خلق الله جزاه الصدود ... ما عاش في ها الزمن الا عيال الحرام

عشت الغلا في شبابه لا تخليه عود ... العود ما يطلب غير حسن الختام

يارب قرّيت عيني منك باربع ورود ... لا تحرم اعيوني الضميا سمّي الغمام



وسلامتكم

  رد مع اقتباس