[أهواه والله أهواه]

الصراحة بكرة عندي اختباااار ومانمت للحين فالله يعين بس

انا بس في شغلة ازعجتني اليووووم وحبيت اكتبها واطلع

يزعجني كثير اللي بس وده يتكلم وينقص من النااااس لو كان مايعرف شي
بس وده يتكلم ويسوي نفسه فاهم وله رأي مع الناااس فالاشكااال ذي كثير
اشوفها وما ادري شسوي معها لان المثل يقوول (لا تجادل الجاهل فقد يخطئ
الناس في التفريق بينكم) فانا مع هالمثل وطريقتي دااايم امشي واخليه هو اللي يرد
على نفسه او الناااس ترد عليه لأنه وربي مايستاهل دقيقة اضيعها معه ماهو غروور والله بس انسااان ماقدر شعوري وماقدرني ليش اقدره واعطيه من وقتي اللي راح يسألني الله عنه؟؟

هالكلاااام براسي دايم لكن ماكتبته اليووم الا من موقف حصلي اليوم بالجامعه :
اللي حصل ان الدكتوور بمادة سلم سأل الطلاب من يحب او يعرف الشعر فالطلااب ربعي من بداية الدراسه ويعرفون موهبتي وقد سمعوا مني وعلى طوول قالوا للدكتووور فهد شاااعر فالدكتووور سألني قلت نعم قال سمعنا قلت ابشر والله بس وش تبي تسمع فالطلاب الله يرزقهم قلوبهم خضراء قالوا غزل واستأذنت الدكتوور قال عطنا غزل وسمعتهم قصيدة ( اسمك ) واعجبت بعضهم لكن في افراااد بدوا يصرحوون بكيفهم وهم والله اعرفهم الشعر والبداوة بالشرق وهم بالغرب يعني بعيد عنها فقالوا هذي مو قصيدة فهد , طبعا انا ماسمعتهم لانهم مايقدروون يقولون هالكلام بوجهي لكن لحقني واحد لسيارتي وقال اني متحدي شباااب ان هذي قصيدتك وهو يعارضون قلت نعم هي قصيدتي وما ما احتااج رايهم ولا تعليقهم الحمدلله شهدلي ناااس اكبر منهم وافهم بكثير فهو بدا يمدح شوي ووضحت له انه مو اول واحد يمدح واني الحمدلله ما احتااج الحين شهااادة اي احد لاني وصلت لشي يخليني بغناء عن راي الناااس بشعري وفهم واقفى بعد ماسمعته قصيدة ثانية .

وهالموقف هو اللي يزعجني دايم والحمدلله على كل حال.

وعن اذنكم ...