قصيدة جدا رائعة ....
للشاعر الرائع .. محمد النفيعي .... صح لسانه
عهدي بها مـن قبـل تلبـس عبايـه
...................وأنا بعد قبل
البس شماغ وعقـال !!
طفليـن نتهجّـى حـروف البدايـه
..................الله ياماأجمل سواليـف الاطفـال !!
كانت لنا فـي كـل شـارع حكايـه
................وكنّا نقول علـوم ماهيـب تنقـال!!
وكنـت اتقاسـم مامعاهـا معـايـه
...............من(عسكريم) التوت,للعلك ابوريال !!
وكانت بعكسي شاطره فـي القرايـه
................تقرأ جزء عـمّ وطـه والانفـال !!
وأنا لـك الله مـن مـواري غبايـه
................مدري ابو نقطه هو الـذال او دال !!
وكانت لابويه تشتكـي مـن شقايـه
..................وتعلّمه كيف اربط البـاب بحبـال !!
ياما على ظهري كسر مـن عصايـه
..................يقول لي:خلّك وأنا ابـوك رجّـال!!
وامـي تقـول:ادع لولـدك الهدايـه
................خوفي تصيبه كثرة الضرب بهبال !!
لاشفتهـا مـع اول الـدرب جايـه
...............مدري أنا اللي ملت ولاّ الوطا مال!!
احسّ قلبـي يرتجـف فـي حشايـه
...............ماكنّه الاّ الضيف لاهـزّ فنجـال !!
يامـا من"السعلـو" تخبّـت ورايـه
...............لاخوفوها فيه ثم شافـت ظـلال !!
تقول:خـلّـك ياحبيـبـي معـايـه
............واسّتأنس العب عندها دور الابطال !!
وآغار حتّى مـن عيـون اصدقايـه
.............لاطالعوهـا قلت:تكفـون ياعيـال!!
بصرااااااااااااااااااااااااااحه روووعه
بس ياليت اللي يعرف معنى السعلو في هذا البيت يقولي
يامـا من"السعلـو" تخبّـت ورايـه
...............لاخوفوها فيه ثم شافـت ظـلال !!
منقول
انتظر ردودكم