[أهواه والله أهواه]

هالقصيدة اعجبتني وحبيت تقرؤوها
واعذرووونا عاد يالاوادم <<جمع ادم هههههخ
بس كمااان للامورات حق مالازم نخفيه
يالله افرحوا وصفقوا وارقصوا
اهواااه بشموووخه يثني عليكن << هههههخ ماكنه شايف نفسه
يالله اترككم مع القصيدة

يابوي بنتك لاانحكى بالتّجاريب
كل ٍ يشق لهيبه الصّيت جيبه

يابوي ماني من سوات المخاريب
اللّي تجيب لعليَة القوم خيبه

وماني من اللّي لامشت حفّها الرّيب
أنا من اللّي مايدنّس حليبه

مرفوع شاني عن غرام المكاتيب
وأكبر من انّني أرتضي بالحبيبه

أنا غرامي لاابتدوا بالتّراحيب
نفوس الأوادم في وجودي رحيبه

وان كان زيني فتنة ٍ للمصاويب
أحط وجهي بالحريق ولهيبه

زيني أبيعه وأشتري سمعه الطّيب
اسم ٍ ينومس بالصّروح الذ ّهيبه

وان كان عندي ( بالحلا) شي ٍ اصعيب
عندي جدود ٍ مارضت بالغليبه

دموع القبايل في لقانا مساكيب
كن المقابر لاحضرنا قريبه

خضّبت لك كفّي من العز تخضيب
ورفعت راسي للنّجوم الصّعيبه

والله لأسدّك بالفعول المصاليب
والله لأشيلك بالرخا والمصيبه

طلع المعالي ماانحكم للشّواريب
بنت ٍ وأناطح فارس القوم طيبه

وياشيخي إبشر لوتدور الدّواليب
بنتك إلا منّه عوى الذّيب ( ذيبه)

وسلامتكم

وعن اذنكم

بنااااام عندي دوااام