[دمعتي على خدي]

يمه يايمه محتاجك ..وربي

بسم الله الرحمن الرحيم

بقلم شخص فااااقد حنااان امه

يمــــــه وينك عني محتاجك والله والله محتاجك.صدقيني يمه محتاجك.



الى كل من فقد امه...........سدت الحبايب وينك

يمه.......لايابعد كل من قال يمه
وينك يايمه
تذكرتك وانا مانسيتك
بس.....
هالمره غير ..... واحساسي غير
شفت ثوبك .......وبقايا شروبك
ومشطك المكسور ...... والمرايا وسلة بخور
بس الغريب يايمه
اني حسيت بحنان بذاك المكان
حنان ولا هو اي حنان
حنان فقدته من زمان
يومي بين ذيك الاحضان
وفجاة ....... بكيت
ولصوتي عليت
ولحظة بكايا ...... زادت عنايا ....... كل البشر سوايا
الا انت يايمه
تذكرت يايمه صوتك المبحوح
وردت لي الذكرى اعظم جروح
تذكرت ذاك الصباح
تذكرت صوتك اللي يناديني
((ياوليدي قم )) فطورك
تذكرت ذاك الحليب ......وخبزك اللي دارته الكف الطهور
تذكرت الرغيف المدهون.......وتغسيل الصحون
وتقولين ........ وين خوياك
لايابعد عين تمناك
ااااااااااااه يايمه
واااااااااه لحظة شوفي لعباتك
((والغدفة)) اللي تغطي خصلاتك
وبطرف (غدفتك) يمه وش لقيت
لقيت ست ريالات....... والسابع يمه مقطوع
يمكن انهن يمه ليوم اجوع
هذي يايمه هي عيشة عيالك
هذي يايمه لمسح اوجاع اطفالك
هذي الدراهم ......هي احلى مراهم
ياقلها بالمال ........وياكثرها بالبال
وتذكرت يوم اني اطلبك وانا خايف
ويوم شفتي ارتعادي ...... مديتي الايادي
وعطيتيني ثلاث ريالات....... وثلاث توجيهات
انت ....... واخوك ....... وجارك
ليه ربطتينا وحنا صغار
طيب وش دخل الجار
بس اللي فهمته بعد هذا العمر
نبقى مع بعض الين يزين لنا القبر
وانا اسف مافهمت الا هالحين
انا واخوي وجاري من وصايا الدين

يمه
وانا بين اغراضك
اشم ريح الدهون .........وكحلك اللي يحلي العيون
شفت فوق دولابك.......شيء مربوط
جيته.......وفكيته.........ولقيته
(((( القران الكريم ))))
سال دمعي سيول وديم
وارتعشت اطرافي......وعرفت شكثر اجحافي
تذكرت اخر الليل
بين سجادة صلاتك.........وصرخة شفاتك
تطلبين من ربك نجاتك
وبنهارك!!!!!!!!!!
تنتظرين افطارك
ريقك الجاف........من ربه يخاف
يالصايمه........يالقايمه...........يالهايمه
واذكر انك دعيتي لي ... وضميتيني
ياااااااااارب تخلي لي جنيني

بس...........!!!!!!!!!!!!!!!!!!!!
(انت يمه وينك)؟؟؟؟؟؟
اسمع صداك ولا اشوفك
تجاوزت ظرفي ومنعني ظروفك
وعرفت انك راحله
عن دنيتي يادنيتي لخالق العايله
ربك اللي تطلبين.........انت تحت رحمته تقعدين
بكيت........وبكيت..........وبكيت
ثم قلت عفوك يارب البيت
وشلت اغراضك يمه واقفيت.........ودريت
اني بعدك يمه انا الى الحين صغير
ماينفع صياح وتعبير
وجهك اللي دوم يظهر بافراحي وجراحي
ماتغير ......بسمتك ......همستك.......رقتك
وجميع انفعالاتك

بس اقول:

((( يمه لايابعد كل من قال يمه )))يمه..يمه..يمه..

المصدر: منتديات لمني بشوق - من قسم: (✿) وَزْن وَقَافِيْه