عـلامـك جـيـت يـاقـلـبــي وراجــع خـاطــرَك مـكـســور
أبــد لايـنـكـســر خـاطــرك دامــه صـاحـبــي جــايــر
أبـي تـنـسـى مـبـادئـنــا وتـتــرك طـبـعـنــا الـمـغــرور
وأبـي هـالـحـيـن تـرجـع لــه.. وقـلّــه يـطـلــب ويـامــر
وإذا جـت عـيـنـك بـعـيـنــه أبــي تـشـهــد شـهــادة زور
بـأنـي مـذنــب ومـخـطــي.. وقـلـبــه نـاســي وغـافــر
وقـلّــه لايـخـلـيـنــي عـلــى حـزنــي أبــات شـهــور
لأن الـمــوت أشـوالــي وأنــا مــن طـبـعــي مـاكــابــر
ولايـفـكّـر يـقـول: انـسـى وغـيــري بـالـبـشــر مـذكــور
لأنــي مـاخـبــر غــيــره / قــســم بالله مـــو خــابــر
أحـس الـلـي خـلـق زيـنـه خـلـق بـاقـي الـبـشــر ديـكــور
وأحــس الــورد لاشـمــه يـمـيــل ويـنـثـنــي شــاكــر
وربـي هـالـبـشــر بـعــده هـيـاكــل والـبـيــوت قـبــور
ولابــه شــي بـالـدنـيــا يـجــاري غـيـابــه الـكــافــر
حـبـيـبـي يـابـعــد كــل الـحـبـايــب والـزمــان يــدور
عـلامــك مـاتـخــاف الله تـعــال وشـوفــنــي ونــاظــر
الا يـاصـاحـبـي الـقـاسـي بـدونــك هـالـحـيــاة تـغــووور
ألا يـاســبّــة جــروحــي..ألا يــاحــظــي الــعــاثــر
أحـبـك يـامـنـى عـمــري وغـيــرك يـمـســك الـطـابــور
أحـبــك يـامـولّـعــنــي وأذوب بـصــوتــك الـخــاثــر
أنـا مـن كـثـر مـااحـبـك أحــس إنــي مـعــك مـسـحــور
فـديـتـك خـلـنـي مـسـحـور إذا تـبـقــى لــي الـسـاحــر
تـعـااال وخـذنـي بـكـيـفـك.. قـصـيـد ولـو تـبـي جـمـهـور
فـداك الـلـي قـصـدتــه أمــس والـلــي بَـقـصِــده بـاكــر
لــك الله وانــت خـابـرنــي شـجــاع ولاعـلــي قــصــور
ولـكــن لــو وصــل أمــري بــيــدّك... آآه يـاســاتــر!!
دخـيـلـك انـتـبـه! لا..لا.. تـمــادى مــع رجــل مـقـهــور
تـرى قـهـر الـرجـال أكـبـر مـن الـلـي تـحـســب وفـاكــر
أنـا حـبـي مـعـك تــدري عـفـيــف وطـاهــر ومـسـتــور
حـشـا.. صـعـبـه تـلاقـي قـلـب شـروى قـلـبـي الـطـاهــر
إذا نــاوي تـجـربـنــي تــرى وقـتــك مـعــي مــهــدور
أمــوت بـنــار طـغـيـانــك.. ولايـنـقــال لــي صـابــر!
أمـانـه روح يـاقـلـبــي وأبــي تـضـبــط عـلـيــه الــدور
أمـانـه طـيـيـيـيـر لـه تـكـفـى وأبـي هـالـحـيـن يـاشـاطـر
أبـيـك تـحـب لـي راسـه وتـنـســى طـبـعـنــا الـمـغــرور
تـرانــا
اثـنـيـنـنــا والله بـدونــه نـكـســر الـخــاطــر!!
..