[أهواه والله أهواه]

حبااايبي والله يا انا ضاااايق مره

كدرتني القصة الجديدة (قصة سعوود وافراح)
والله انها مؤثرة لدرجة اني قريتها كاملة يمكن فوق الساعة ونصف واظن اكثر
وربي حسيت باحساااس غريب حسيت اني نسيت العالم وانا اقراها حتى يوم انهيت قرائتها ورفعت عيوني عن الجهااااز ما عدت اشوف شي احس الدنيا اظلمت بعيني .

ليه الفراااق اصبح قدر محتوووم لكل علاقة .

يعني انا ملاحظ (استغفر الله العظيم) ان كل علاقة تكون نية اطرافها طيبة تنتهي بفراااق اليم , وفي المقابل العلاقات السيئة والفاضحة تنتهي بافضل المستويات وكل طرف ياخذ اللي يبيه . (وجهة نظر عن واقع)

الله يعين بس بصرااحة ان موقف الموووت والوصية ذكرني بماااجد الله يرحمه وحتى بديت اردد معهم (لا يمحووونه) وكنه كلام مااااجد يوووه وربي اني راااح انجنن
ياناااس والله اني لحااالي بهالدنيا مالي ونيس ولا اخو ولا حبيب ولا شي اسعد وافرح ناااس واذا حزنت حزنت ومت لحاااالي (معليش اعذروووني على هالكلااام بس بجد كلام قلبي وماعندي الا انتم)

حتى الناااس ماتقدر يعني والله لو اعطيهم قلبي مارضوا علي وبسهووولة لادنى موقف ينسووون خيري وافضالي وانا مجبووور فيهم يعني اسوي شي وادري انهم ماراح يردونه بس شسوي ان مانفعتهم راح يتركوووني واجلس لحااالي (معليش هذا اللي افكر به واللي جربته )
بس راح ابقى شااامخ واهم شي عندي عزة النفس وشموووخي وراح ابقى على المثل الانجليزي اللي يقوول ( الدنيا تحترم من يستهين بها ).

حتى القرايب ماسلمت منهم سويت كل شي لهم واسرع وقت نسوا كل شي سويته يعني شسوي اذبح نفسي عشااان يرتاحون ؟؟؟ والا اهين نفسي عندهم ؟؟ يهبووون والله الراس اللي رفعه الله ماينزله لاي مخلووق مهما كان .

وبالمناااسبة اليوم تجادلت انا ودكتووور بغى يرسبني بالمااادة لولا الطلاب هدوووه واذا مسكت نفسي واسكتت وهو بعض كنه اسكتت والا انا والله ماعندي فيه والله لو انه مدير الجامعة اسم فهد والله ما ينتقصه احد وانا اسمعه مهما كاااان حنا احرااار وعلى قولة عبدالله بن عوون : حنا عزاز ولا نهين العزيزين . (يمكن تقولون كلامي في مهايط لكن وربي مافيه من هالكلااام هالكلاام طالع من القلب وانا قده وشي تفجر عن سكووووت شهووور وسنين تحملنا تحملنا لين انشقت القربه على ماقالوا يعني اما اتحمل اتحمل الا قدري واحترااامي لا احد يجيه )

والله مدري شلووون قلت هالكلااام بس والله ان الحق معي يعني ما اذكر ضريت احد واداري خواطر الناااس لو كان شخص توي اعرفه بس الناااس ماتقدر هذا يسب وهذا يستهزئ وهذا يناظر بنظرة احتقاااار وانا والله اني ابرك من اكثرهم ولا عمري قلت هالكلااام لشخص بوجهه مراعاة لشعووره يعني الحمدلله الاصل والفصل عندي والسمعة الطيبة عندي والاسلام عندي وش ابي بعد والله ماهي واقفة على احد لو اعيش لحااالي ابرك من مقابل بعض الوجيه اللي كلاااام اخته ابرك من كلامه ولاهو انتقاااص من البناااات الاموراااات لاوالله حشى لكن يعني معروووف ان الرجاااال لازم يوزن كلمته والبنت عادي واقصد بعض البنااات يمكن تزل والواااحد لازم يعدي لها ويدمح شوي والا بعض الرجاااال مايستحي لو تدمحله طووول عمرك لا شهااامة ولا مروة ولا رجووولة حتى يعني ياكثر الذكووور بالدنيا بس رجاااال بمعنى الرجووولة ماشفت الا قليل وحتى بدوا ينقصووون والله ولا ازكي نفسي لاوالله .

واعذروونا على هالكلام بس والله قفلت معي وهالقصة حركت فيني شي واجد ومن الحماااس يمكن اواااصل للجامعة عندي محاضرتين بس الحين انا دايخ بس ادري ان سكرت الجهاااز ولازمت المخدة ماراح يجيني النوووم وبيستلمني التفكير بس يهبى احتريه خله يدوور غيري .

مابقى كلااام اقووله بس ودي تقروون اخر قصيدة بماجد مدري قد قريتوووها او لا
المهم بنزلها باخر كلامي

ماجد بعد مرت سنه عقبها شهور .. فيها ولا فارقتني كل ليله
أجلس معا طيفك وأنا فيك مسرور .. واقول ياليت الليالي طويله
أسهر معك وأضحك ولو كنت مقهور .. طيفك ينسيني هموم ثقيله
صرت أتخيل شوفتك وأنت مقبور .. تجلس معي والهم عني تزيله
اتخيلك عندي معا طلعة النور .. حتى المطر كنك ظهرت بمسيله
واتخيلك لاقالوا الناس مشكور .. كنت اعتقد من غير شخصك قليله
واتخيلك بعد العصر تبدي الشور .. لاجيتك أشكيلك ظروف عليله
تقول مش الحال لو كان مقصور .. وامشي وأنا كل هم مطلق سبيله
أتخيلك وأجيك وأحسب لي شعور .. وأثري بلا عقلي ولا لي حيله
وارجع واهل الدمع ياخوك مجبور .. ياهي مصيبه شخص يفقد خليله
بكيتك لحالي واببكيك وازور .. قبرك ولالي غير قبرك وسيله
في هالحياة احترت واحزاني قصور .. كل ماهدمت جدار عوض بديله
تعبت أرد الهم يلحقني كسور .. صار الردى والضيم كل الحصيله
بس اتنهد ينكشف كل مستور .. أبطيت مع قلبي أهدي غليله
يذكر زمان كان بالخير مذكور .. قبل اعمل اشياء غدت مستحيله
يازينها أيامك بها الهم مبتور .. نجلس مع الساعات تصبح بخيله
تقضي بسرعه واحسب الوصل مقدور .. واستغفر الله قلت موتك يبيله
يبيله سنين مع سنين تدور .. وقبلك أفارق هالحياة الجميله
لكن رحيلك صار واقع بلا زور .. رحل معه قلبي بعقلي يشيله
رحلت عني دون ماتحمل شرور .. حتى بكيتك دمع ماجاء مثيله
والحين بعدك حالي ان زان مكسور .. أصبحت ويا الهم في كل ميله
معذور ياهمي وأنا فيه معذور .. قبله فلا شفته ولا بعد جيله
تميز بطبع عن الناس محكور .. وأصبح على اهل الطيب شيخ القبيله
لكن رحيله يجمعه دمع منثور .. من شخص قلبه ظل ماجد نزيله
والحين هام وداج في كل طابور .. ويدعي عسى النسيان يمحى رحيله
هذا كلامه تم باوراق وشطور .. والحال بعدك ياخليلي هزيله
واوعدك في ديوان وافي ومنشور .. كله قصايد شوق فيك وجزيله
والحين ابنهي قاف من قلب محفور .. بعدك حفر قلبي وأييس تجيله
واختم مدام اني لكم كنت مجرور .. من بعدكم ضاع الطريق بدليله

وسلامتكم
واسحووولي ان كان ضايقت احد