[ابوالعزايم...]

خذني فحضنـك أبغفـى ،،,اه مبطـي ماغفيـت !!!

صعب لامنّـك فشلـت .. وصعـب لامنـك لقيـت
إن من يكـره نجاحـك .. يـدري إنـك مانجحـت

أمس ضقت .. ورحت أقلّب ذكرياتـي .. وأنتهيـت
عند صورة طفل صوته مثـل صوتـي لاانجرحـت

وش مثـل لا والله إلا هـذا أنـا يـوم ابتـديـت
أنطق حـروف ٍ تلعثـم فـي لسانـي لا أنمدحـت

هذا انـا يـوم الحيـاه فنظرتـي عشريـن بيـت
ومسجدين .. ومدرسه من طين كم فيها اصطبحـت

هذا أنا وأصبحت اتمتم : " هذا انا " حتـى بغيـت..
.. أختنق .. بس القدر عيّا على موتي .. وطحـت

وصاح صوت الطفل فيني : " أنت من وين ارتميت"
قلت أنا المستقبل اللي فيـه كـم همـت وطمحـت

أمس كنت أبيـك تكبـر .. بـس والله لـو دريـت
أني اللي عشـت لأجلـه مـتّ عنـدك وأسترحـت

لو دريت إن الزمان يجـرّ رجلـي .. مـا عديـت
ولو دريت إن البحـور بـلا موانـي .. ماسبحـت

كان دربك لـي طويـل .. وكـل ماشفتـك هويـت
قلت لك : كبوة جواد .. ومـا كبيـت إلا وجمحـت

ليـه تسمعنـي وتمشـي ؟! آه ليتـك مـا مشيـت
و آه ليتك مـن كثـر عثـرات الأيـام أنتصحـت

ضاعت احلامي .. وظلّ الحزن فينـي .. وأهتديـت
للطريق اللـي يودينـي علـى دمعـي .. ورحـت

يالحزن .. ليتـك مثـل دمعـي وتنـزل لا رقيـت
بس أعرفك .. لو مسحت الدمع تبقى ما انمسحت !

كان حلمي .. في وجـود إنسـان يبكـي لا بكيـت
وصار حلمي .. في وجود إنسان يفـرح لا فرحـت

كنت أشوف الناس مثلي كل مـا جعـت وضميـت
مادريت إن الأوادم نـاس فـوق .. ونـاس تحـت

آه يـاأول ذكرياتـي خذنـي فحضـنـك نسـيـت
لأسألك عن وجه ابوي اللـي معـه يامـا سرحـت

خذني فحضنـك أبغفـى ..اه مبطـي ماغفيـت
وإن لمحت دموع عيني .. سـو نفسـك مالمحـت

خذني فحضنك .. وبعثر في جروحـي وإن قضيـت
هزّ لي كتفي .. وقل لي : عيب تبكي لـو سمحـت

إضحك .. وعلّم زماني من أنا .. ومن وين جيـت
طقّ باب الحزن .. واصـرخ فـيّ لامنـي فتحـت

و ضمّني يمّـك .. وكمّـل ضحكتـك لامـن بكيـت
ودي أذكر كيف كانـت ضحكتـي لامـن فرحـت !

المصدر: منتديات لمني بشوق - من قسم: (✿) وَزْن وَقَافِيْه