[أهواه والله أهواه]

بصرااااحة اليوووم حصلي شي تعودت عليه دااايم

يعني دااايم يصير عكس اللي اخطط له

يعني اليوووم قلت بودي اهلي للسوووق بعد العشااء يعني كذا ساعة وارجع اراجع لكن للاسف زادت الاشغااال, يعني ابووي قال لازم تودي اختك الصغنووونه تسوي لها تحليل دم قلت طيب وياليت مارحت والله بجد كسرت خاطري وعكرت ام جوي وبغيت اذبح الممرضه يعني وربي ممرضه ماتخااااف الله ولا تعرف تشتغل يالله بالله تحملتها والا بقلبي ودي اضربها والا اقل شي اهاوشها لكن مسكت نفسي لانها كانت متحمسة بس والله ماتعرف تشتغل لكن الوااالدة ماقصرت فيها ههه وماكان ودي تقولها اللي قاله لكن قدر الله وماشاء فعل , لكن قعدت تبكي علينا وضيقت صدري وكل هم المذاكرة اللي داخلي طاااار وكرهت الدراااسة حتى المهم انا مشينا بدوون نتيجة يعني دخلت الابرة بيديها الثنتين لكن ماطلع معها دم الا قليل ولا اعلم من وين الخطأ المهم اخذت ريووومه اختي ووديتها للسووق وطوول الطريق وهي تبكي الله يخليها لي وجينا السووق واشترت لعبة واشواا الحمدلله استانست وبدت تلعب وتضحك وحتى تضحك وتردد معي : دلووعة بابا . ههههه الله يخليها لي لكن بجد قهرتني هالممرضة حتى اني هونت احلل لها ثااانية خلاص الله يعافيها انشاااء الله بدوون ما يبلشونها , المهم اني جيت البيت وانا ما برااسي مراجعة ابد وانشااء الله بكره اكمل مذااكرة .

واللي زااد الطين بلة : اهلي نادوني على العشااء ويوم جيتهم ادوور العشااء (طبعا حنا نتعشى بالحووش لازم جدتي ماتستانس الا بالحوووش تعرفون الكبااار انت) المهم لقيت خواااتي عند امي بالغرفة داخل البيت قلت شفيكم قالوا تعال شف امي زيوم جيتها لقيتها تبكي قلت لاحول ولاقوة الا بالله عسا ماشر يمه شفيك قالت بنت خالك تعبااانه وتبي تسوي عملية قلت طيب الحمدلله لقولها علاااج والحمدلله مافيها شي وانشاء الله بتعافى وترجع سالمة (طبعا مرضها صعب شوي لكن لازم اطمن امي) ومن هالكلام وقلت ان الطب الحمدلله فيه علاج لكل شي والحمدلله مرضها سهل واسهل من كثير من الامرااض واشواا الحمدلله اقنعت وقامت معي وتعشينا وعااد بديت انكت عليهم على العشاااء وضحكوا كلهم حتى امي ضحكت معهم .

والحمدلله على كل حال هذا اللي ابيه من الدنيا اني اوسع صدر اهلي وما اخليهم يحتاجون شي وطبعا اهلي اللي ساكنين معي بالبيت واشخااص ثانين برا البيت وطبعا يعدووون بالاصابع يعني اللي اعرفهم واجد لكن الغالين مثل الالماااس بين الصخووور والحديد واعتقد فهمتوا .

اليوم 25 يعني اليوووم الروااتب والمكافئااات وابشركم نزلت مكافئتي اليوووم ياليت عندي واحد منكم عشااان اعشيه والا اغديه بكره والا يعني نتمشى ونشتري اللي نبيه من المكافأة لكن حسااافة .
ماكل ما يتمناه المرؤ يدركه ... تجري الرياااح بما لا تشتهي السفن

تصدقووون فيني طبع مدري عاد هو طبع كويس والا شين
اذا صااار معي ناااس احب ادفع كل شي ولا ابقي شي بمخبااي يعني مو مهايط لكن والله احب الكرم واكره شي اسمه بخل لان الدنيا فانية وقاعدتي عش يومك لاني ما ادري انا اعيش بكره والا لا ؟؟؟
لكن خساااره الناس الحين تقوول عن اللي يدفع كثير لهم خبل والا مايعرف يتصرف وانا والله ماعلي من كلامهم بس شي يعور القلب ولو ماتكلم
يعني ناااس عشيتهم مره او فطرتهم وعقبها ماشفتهم ليش يعني ؟؟؟ ماودهم يعطوون بكيفهم وقسم بالله اني اعرف الواااحد من كلامه ونظرته وهو يسوي ذكي ومع ذلك اعطيه اللي بجيبي واخليه يكمل لعبته وانا ادري عنها وكاشفها لين ينتهي ويرووح بسبيله ولا اذكره بعدها ولا اذكره فيها ولا امن عليه وانا بالطبع او الاسلووب هذا اسير على منهج وكلام المدرسة الشعرية "فهد المساعد" في قصيدة له قال باخر بيتين فيها كلام ينم عن عقل ناضج وفكر راجح الله يزيده ويخليه قال:
" حتى رفيقي ضماد القلب وعلاجه ... على كثر ما اتمسك فيه صدقني"
" لو ادري انه مرافقني على حاجـه ... لامسـكه حاجـته واقـول فارقنـي"

صح الله لسان الشاعر وعز الله صحيح كلامه وعن تجربة والله .

يعني انا مليت الناااااس حتى قلت بجلس وحدي وابعد عنهم لكن ما استطعت يعني لي خواال وعمااام ولهم عياال بعضهم حوول عمري وداايم يتصلوون حتى رجعت للناااس ثانية لكن بفكر فاهم وعارف بالنااس واستطعت اني انتقي ربعي اللي امسي معهم وارتاااح واجد وناستي معهم بغض النظر عن عمرهم لانهم اكبر مني كلهم الا اني ارتحت وامنت على نفسي معهم والحمدلله .

والكلام اللي بقلبي لو بكتبه كله الحين ماوقفت كتااابه ولو جلست حتى بكره مثل هالوقت لكن يجيكم الكلاااام حبه حبه بالايااااام والشهووور القادمة لاني بصراااحة ارتحت معكم ولا يمكن اترككم .

واحب ارحب باخوي وحبيبي جيفارا اللي شرفنا بحضووره ومشاركاته ومدونته المبدعة فله مني كل عبااارات الترحيب والتقدير والشكر والعرفاااان وننتظر جديدك يالغالي .

وسلامتكم بس يكفي اللي هليته ههههههههخخ