[نملهـ طفشانهـ...]

من متى تعرفين المنتدى؟ ومين علمك عنه ؟
عرفت المنتدى تقريبا في بداياته بس انقطعت عنه فتره بعدين رجعت
واللي علمني عليه مافي غييره ضحيه
متى كانت آخر سفرة سافرتيها و لوين ؟؟
أخـر سفرهـ كانت لـ جنيـف في الاسبوع اللي راح << لايكثر بس
لا كانت اخر سفرهـ للطـايف في هالصيفيه
من اللي ودك تصطرينه في المنتدى ؟؟؟؟؟؟؟
هم كـانوا ثلاثه أعضاء بس واحد منهم كأني بديت أسامحه والاثنين الباقين انتي عارفتهم (:
وش تعنيلك مجلة ميكي ؟
هـي حـلم كل فتـاهـ
شي بشخصيتك تحبينه واخر تكرهينه؟
كـلي على بعضي حـلو << احـلفي
أكـرهـ فيني العصبيـهـ
امنيه داااايم تجي فبالك حتى لو كانت خياليه؟
أتمنـى أسـوق تريـله
اكثر شخصيه كرتونيه تحبينها ؟ ولاتقولين لي سالي لالختس بكف خخخخ
امممممم بصراحه بصراحه هـم اثنين اولا تويتي ثانيا (رعـد ) اللي في الكابتن ماجـد
احب الاسماء عندك من كلا الجنسين؟
واللهي كل الاسماء حلووه بس من البنات احب اسـم أروى واحب راعيته بعد ومن العيال اسمين هم سعـود وتـرٍكـي << خواالي اموووت اموووت فيـهم
موقف حصل لتس من زمان والى الان عالق في الذاكرة سواء موقف محزن والا مضحك ؟
هم موقفيـن اول شي المحـزن :
مره جا ابوي في الليل كذا وقعد على الكنب ومافيه صاحي الا انا وامي عاد امي كانت تخنبق في المطبخ مدري وش تسوي المهم شوي الا ابوي غمـض عيونه وطاح راسه على الكنبه (كأنه منسدح ) عاد انا بغيت انجـلط قمت اصارخ ويوم جات امي وهي تقعد تصيـح وتحاول تصحيه وتناديه بأسمه وتقولي روحي جيبي مويه عاد انا من الصدمه قمت اناظر فيها ولاكأنها تكلمني وهي تصارخ جيبي مويه وانا فاهيه بس دموعي تنزل وجسمي عجزت احركه وشوي دقيت على اخوي الكبيـرٍ وجا وراح هو وابوي المستشفى وطبعا رفضـوا ياخذوننا معهم عاد قالهم الدختور ذا ارهااق عمـل وماتنـام زيـن والحمدلله طلعـت سليمـه (: بس بصراحه انشلخ قلبي عليه والسالفه المضحكه في الحلقه الجايه انشاءالله
يقال ان لتس ضلوع في اغتيال رفيق الحريري فما صحة هذه المقولة ؟ << خخخ
واللهي الضلوع راحت علي انا ماطلع لي الا العظـام
مقولة ( اعطني حظ وارمني في البحر ) متى تكون صحيحة ومتى تكون غير صحيحة في وجهة نظرك ؟
تكـون صحيحه اذا كان الواحد مجتهد وطمـوح بس الحظ عيا يضبط معه
تكون غير صحيحه شفتي الكلام اللي فوق اعكسيه مافيني اكتبه مره ثانيه

مين أكثر دكتور تحبينه لمادة "سلم" في الجامعه ؟ والله ان كل واحد امصل من الثاني خخخ بس من اصرفهم عندتس ؟
صح انهم يرفعون الضغط كلهم بس د.احمد الزيـد اصرف من الباقين
ماركة الملابس اللي دايما تجوز لك؟
عن نفصـي أحب ماركه زارا وفيه محل جديد اسمه غريب بس رووعه ملابسه الظاهر اسمه كاراشوكا مدري كاراشوكا المهم حولها

وهـ ياطـول اسعلتس بانتظار الباقي ياقلبوو