[لايمكن مشاهده الصور والروابط الا بعد التسجيل ]
بـ أغني طاروق الدحّة
لو صوتي صارت به بحّة
لـ عيون اللي تسكن حايل
بـ أكتب دحة شمالية
***
شوفيني ميّلت عقالي
وغيّرت اسمي لـ الشمالي
لا تقولي وش يعني هذا ؟
يعني حبيتك يا بنيّة
***
يا اللي من شافك يحبك
عذبتيني خافي ربك
طيرتي عقلي من راسي
يا أمّ العيون السحرية
***
أوصافك تسحر من شافك
من شافك تسحره أوصافك
شوفيني ضيعت أبياتي
في وصفك يا أجمل حورية
***
سبحان اللي لـ حسنك صوّر
وجهك مثل الشمس مدوّر
فوقه ليل بليّا قمرا
ما شفت أو سمعت بـ زيَّه
***
دخيل الرمش اللي سلهم
و الشامة من فوق المبسم
لون شفاتك لون الجمرة
و وجناتك ورد الجوريه
***
والا الحواجب مقرونه
من فوق عيون المزيونه
ما تنشاف إلا لا غمّض
صارت لـ رموشه ضحيه
***
و إن جينا إلـ صدرك يـ الغالي
يا ويحي و يا بري حالي
رمانه تحضن رمانه
تحضنها بشوق و حنيّه
***
والخصر اللي به مجاعه
ممر يودي إلـ قاعه
و الردفين اللي من تحته
كلن يشكي من خويه
***
و دام الدعوة وصلت ردفك
ما أقدر أكمّل في وصفك
كليم بـ يحذف موضوعي
من مجالس الحريه
***
بس الباقي بيني و بينك
قول و فعل تشوفه عينك
قلبي بعدك صاير أخضر
مثل الرايه السعوديه