قالت هلابك بعد غيبتك وش جبت
قلت العفو ماجبت لاجلك هديه
قالت اسلوبك تغير بعد غبت
قلت السبب قلبك تغير عليه
قالت انا احبك ولايوم كذبت
قلت وبعد يابنت عينك قويه
قالت علامك في شعوري تلاعبت
قلت العبي لي غيرها ياذكيه
قالت انا بعرف خطايه وش اذنبت
قلت بصراحه حبك اكبر خطيه
قالت بعد جيتني ليه رحبت
قلت السبب والقصد رد التحيه
قالت تسيت مكلامه يوم السبت
قلت ونسيت ايام عيد الضحيه
قالت تراني منك والله تعجبت
قلت العجيب انك معي فوضويه
قالت ياليتك في كلامك تشعبت
ودي اعرف اسباب حالتك ذيه
قلت العفو توي من الجرح ماطبت
مالي على ذكر الهوى مقدريه
(((
غلطه حياتي ))) ليتني ماتقربت
منك ومن حب لقلبي اذيه………