[مرسول الدجه...]

طيب اخذوا ذى الموقف اللي صارلي

انا موتري ددسن وارد عراوي 89 ويلقبونه ابو عزيز

وذا الددسن له ذكريات جميله معي حتى يوم بعته بكيت عليه
وسويت فيه مرثيه بس للأسف نسيتها (عاش مصرف)

ياناس ذا الددسن كان اي شي يشغله مفتاح بيت سكين خضره مقص شنب
اي شي واتوقع لو تقوله اشتغل اشتغل بدون اي شي ماعنده مانع

المهم خرب علي مره وديته للورشه ونزلته عندهم على اني برجع لهم
ويوم رجعت ماحصلت السياره
يالله انسرقت انسرق ابو عزيز لا مومعقول

واتهاوش انا والهندي واجيب الشرطه بعد ماسويت بلاغ
وقعدت يوم وانا ماهنالي النوم

وبعدها لقيته ملبق عند الباب وفيه رجال قالط عندنا في المجلس
هو اللي سارقه ياسراب اي والله
وادخل عليه امشي ألفين ارفع ايدك يامجرم ياخطاف المواتر

ويقومون اللي في المجلس تعوذ من الشيطان الموضوع فيه لبس

وش اللي صاير ولد هذا الرجال موقف سيارته الددسن بعد في نفس الورشه
وشكلها قريب من ددسني وذا الشايب جاي مدرعم ولقط سيارتي بدل سيارت ولده

بس تدرون وش اكثر شي اعجبني في ذا الموقف ان سيارتي جات مصلحه
ههههههههههههههههههه
راح وصلح الخرابات اللي فيها يحسبها سيارته

عاد هو قام يلمح لي ويقول والله تكلفة علي المبلغ الفلاني وانا اسوي نفسي دلخ
ماادري بشي عشان ماأعطيه حقها
وفعلآ ماعطيته ولا ريال