وبعد الغياب اعزائئ اضع بين يديكم هذه المشاركه
اتمنئ ان ترضي غروركم الشعري
جتني بعد
غيبه الشهريـن مشتاقـه
تختال يمي حنيـن الولـف يدفعهـا
المح بريق الدموع بداخـل احداقـه
وفي بالهـا كلمـه عيـت تطلعهـا
يبي يبرر ظروف الوقـت وافراقـه
وانا مصدق علومه قبل لا اسمعهـا
اكبر دليل يبرهن صـادق اشواقـه
من يوم جتنـي تعلمنـي مدامعهـا
هلا هلا ياطلوع الصبـح واشراقـه
يافرحـه العمـر ياشتـئ دوافعهـا
اشعلت ليل الطرب بعيـون عشاقـه
ورديت روح علـى الهـم ضيعهـا
عاشقك عشقك ترعرع داخل اعماقه
من الطفوله فواتيره وانـا ادفعهـا
واصبحت سيد نزيف الحبر فاوراقه
اصعب طروق الشعر لرضاك طوعها
فيـك التماثيـل منقـاده ومنساقـه
ياملهمه صادق اشعـاري ودافعهـا
الله حباها مدار الزين وافاقه
عمن سواها فرقها الله ورفعها
كذب الجمال الخرافي واقعـه فاقـه
احلى التواصيف فيها الله مجمعهـا
الزين واصل النسب والطبع واخلاقه
على عروش الحلا يجـدر تربعهـا
في جيته نشوه الخفـاق واشواقـه
سعاده القلب شوفه مقتـرن معهـا
وفي غيبته بي يضيق الكون وافاقه
والقلب للحـزن بيبانـه يشرعهـا
والعين تظماء السهر ويجود بعناقـه
والنفس حمل الكدر والهم يجزعهـا
ياليت مالي مع اصحاب الزمل ناقـه
ويرتاح من لوعه الفرقـا مولعهـا
اتمنى ان تعجبكم
اخوكم امير بكلمتي