[نيوتن...]

الجزء الثاني عشر:
سعد: يافاطمه صدقيني ماعندي غير هالحل
فاطمه: نبيع بيتنا وين نروح يا سعد.....قولي ...اقنعني وين نروح؟؟؟؟؟؟
سعد: افهميني يافاطمه الله يخليكي لي...انا مطلوب واذا ماسددت الدين ممكن يحبسوني..
فاطمه: اسم الله عليك من الحبس ...انا بساعد وبعطيك اللي تبغاه
سعد: مشكلتك انك مش قادره انك تفهميني ...كم مره قلتلك ان المبلغ كبير ولو لحط فلوس البيت على كل فلوسك اللي بتعطيني يمكن مايكفي
وبيني وبينك انا ماودي اتسلف من احد....الواحد مايضمن عمره .....اخاف اموت وانتم اللي توهقون عقبي و..
تقاطعه فاطمه: لاتقول كذا ياابوعبدالعزيز ..جعل يومي قبل يومك ...واللي تشوفه سوه وتوكل على الله ..
سعد: تدرين وين بنعيش؟
فاطمه: صدقني أي مكان تقوله انا مستعده اعيش فيه مدامني وياك
سعد: بنعيش مع امي وفهد اخوي مع زوجته
فاطمه: والنعم فيها عمتي ام ناصر هذا خوش راي ياسعد
سعد: الشقه اللي طلعنا منها محد سكن فيها ....ناصر وزوجته مع امي بالارضي وانا باخذ الشقه اللي فوق ...تذكرينها ها؟
فاطمه وهي تبتسم: وكيف تبغاني انساها ....لها بقلبي ذكريات خاصه
سعد: ايه عجل انا بخليكي مع ذكرياتك وبروح اتقهوى عند ابو غنام
ولما وقف ابو عبدالعزيز بيطلع ....تذكرت فاطمه شي:
فاطمه : سعـــــــــــــــــــــــــــــد
سعد: هلا فاطمه بغيتي شي وانا جاي اجيبلك ؟
فاطمه: ماتقصر ....بس ..
سعد يقرب منها: وشفيكي يافاطمه؟
فاطمه: سعد....فيصل اخوي وين يروح ؟
سعد يتنهد: فيصل مكانه العيون يافاطمه....بس مثلك عارف العين بصيره واليد قصيره ..طلع الموضوع من ايدي ...اتمنى انك تكلمينه بخصوص هالموضوع وتفهمينه موقفي انا والله مستحي منه ...
فاطمه بحزن: الله يعينك ياخوي
::::::::::::::::::::::::
فيصل: والله مدري وش اقولك ...بس هذا ولد عمي اذا مانفعته الحين متى انفعه ؟
مها: صح ولد عمك ولازم تساعده..
فيصل: بس وشلوووووووووووووون؟
مها ببرود: عطه فلوس؟
فيصل: ومنوين لي؟
مها: اناعندي
فيصل: وانتي شعندك؟
مها: الف وخمسميه
فيصل: ياشيخه روحي1.500 ماتكفي اغراض البيت
مها بمثل البرود: قصدي دينار مو ريال؟
فيصل:ههههههه ترى خويك مايعرف شي بالحسابات وانتي ماشالله عليكي شطوره ....احسبيلنياها بالريال
مها حاطه ايدها على خدها: 18الف ريال
فيصل: هو عطاني ضعف المبلغ
مها: لما يصير عندك عطه ...
فيصل: وشفيكي؟
مها: مافيني شي ..
فيصل: علي انا يامها ...ليه تكلميني ببرود ومالك خلق لي؟
مها: انا فعلا مالي خلقلك
فيصل باستغراب: هذا الكلام جديد يامها
مها تعدل قعدتها: فيصل ...ممكن سؤال؟
فيصل مارد عليها وتم يطالعها بنظرات غريبه ويقول بقلبه:" معقوله ملت مني"
مها: فيصل انت مالك اصدقاء ؟ ماعندك احد تروحله تسولف معاه؟ انا خابره انه عندك صديق اسمه عامر ؟؟؟..
فيصل انصدم من كلامها...وقف من مكانه وهو معصب......وطالعها من فوق لي تحت ولما جا بيطلع ...سمعها تقول : لاتزعل يافيصل مني بس مدري ليش حاسه اني مااشتهيك واكره عطرك اللي تحطه وحتى ريحتك كلها اكرهها ....احس نفسي مو طايقتك
طلع فيصل وهو معصب من كلامها الجارح :ليه تقول كذا ؟كلامها معي كان زي العسل وشفيها تغيرت هالبنت؟...ونزل عند فاطمه يشتكيلها
فيصل: يافطمه مدري وشفيها كارهتني بالمره ...
فاطمه: ومن متى لاحظت هالتغير؟
فيصل يفكر :والله مدري بس....تقريبا من فتره موبعيده ......لا واللي قاهرني انها تقولي ماعندك اصدقاء تروحلهم ...والله لو كان عامر بالسعوديه ماقابلت وجهها دقيقه
فاطمه: ليه وينه رايح عامر؟
فيصل: رايح مع امه للشيك تبغى تدليك ....تعرفين العجايز هالايام لو فيها شد عضلي سولت قصه طويله عريضه
فاطمه: يحليلها ام عامر من زمان ماشفناها
فيصل: يالله ...انا طالع الحين ..بخليها تفتك من وجهي
فاطمه: فيصل....تحس بزوجتك تعبانه
فيصل: إلا قولي خاست من كثر النوم ؟؟
فاطمه: اذا ماخاب ظني........تراها حامل
كانت المفاجأه كبيره بالنسبه لفيصل ...وقعد يضحك ويقول: معقوله اللي تقولينه يافاطمه انتي تتكلمين جد؟
فاطمه تضحك: وليه اكذب عليك؟ ...بس ها انت لازم تتأكد ...
فيصل : يابعد عمري يافاطمه والله خبرك هذا يسوى عندي ملايين ..........وراح فيصل يركض لشقته ..وسمع فاطمه تقول: يااخي اثقل توك تقول بخليها تفتك من وجهي .....وتضحك فاطمه