[خالد ((أبوعناد))...]

على شانك تحديت الظروف وجيت لك منسـاق ....اغنـي للخطـر والقلـب مايهتـز معلـوقـهـ....

مسا الخير.................

تلاقينا على الموعـد وهـذي عـادة العشـاق
عسى صبحٍ جمع قلبي وقلبك تضحك شروقـه

على شانك تحديت الظروف وجيت لك منسـاق
اغنـي للخطـر والقلـب مايهتـز معلـوقـه

حبيبي مادفعنـي يمـك الا صـادق الاشـواق
مشاعر صادقة ماهي مشاعر نـاس مطفوقـه

اعاهدك بوفاي ووالله اني مـا اخلـف الميثـاق
ابد مادمت حـي وحبنـا ماضاعـت حقوقـه

اسافر وانت في بالـي واعـود يمكـم مشتـاق
طراة الحب شوف العاشـق المغـرم لمعشوقـه

دخيل عيونك الثنتيـن وخـدودٍ كمـا البـراق
الك في خافقي ونـه وعبـرة حـب مخنوقـه

سكن حبك بوسط القلب واحرقت الضلوع احراق
تخيل وش كثر قلبـي عليـك همومـه تسوقـه

انا شاعرك بالمعنى ليامن الفضـا بـي ضـاق
ليامنه طرى طاريـك شعـري زان طاروقـه

ملاك وتستحـق الحسـن كلـه والله الـرزاق
الا ياحلـو ذاك المبسـم ويازيـن منطـوقـه

كلامك عسل صافي وصمتـك دمعـي الدفـاق
ولا غيرك من العالم طلع ذوقـي علـى ذوقـه

انا العاشق وانا المغرم وانا اللي للخطر سبـاق
اضحي لجلك بروحي وابيع الـذل فـي سوقـه

المصدر: منتديات لمني بشوق - من قسم: (✿) وَزْن وَقَافِيْه