الجديد

قوانبن منتديات لمني بشوق
عدد مرات النقر : 7,409
عدد  مرات الظهور : 115,518,428

الإهداءات


أهلا وسهلا بك إلى منتديات لمني بشوق.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.

(✿) أَرْوَاح تَتَنَفَّس مُدَوَّنَة لَك : فَضْفَضَة لِلْقُلُوْب .. وَرُكْن لِلِذِكْرَيَآت

هنا تجدووون أهوااااه

بسم الله الرحمن الرحيم السلام عليكم ورحمة الله وبركااااته صبااااااح / مسااااااء الخير لمن دخل بأي وقت مدخل / إنما الأمم الأخلاق مابقيت ... فإن هم

إضافة رد
قديم 04-24-11, 05:39 AM   #1
أهواه والله أهواه
منتديآت لمني بشوق
 
الصورة الرمزية أهواه والله أهواه

الجنسية :  سعودية
خذاني الشوق لعيونك وجيتك 🙈🙈
غير متصل
افتراضي هنا تجدووون أهوااااه

بسم الله الرحمن الرحيم

السلام عليكم ورحمة الله وبركااااته

صبااااااح / مسااااااء الخير

لمن دخل بأي وقت

مدخل /

إنما الأمم الأخلاق مابقيت ... فإن هم ذهبت أخلاقهم ذهبوا

في هذا اليوم الأحد

الموافق

20/5/1432

الساعه

5:37 صباحا

افتتحت مدونتي التي أسأل الله ان تنال رضا الله سبحانه وتعالى وان تكون
حجة لي لا حجة علي وان تنااال رضاكم واعجااابكم

والتي سأضع فيها كل مايجول بخاطري وكل مايعجبني من كتابات

والتي أتمنى أن تكوون عونا لي لتخطي هالمرحله

واشكر جميع أخواني واخواتي بالمنتدى واخص الاخت غرووووري بالشكر على التشجيع والتفاعل

مخرج /

ماكل ما يتمنااااه المرء يدركه ... تجري الرياااح بما لا تشتهي السفن



التعديل الأخير تم بواسطة أهواه والله أهواه ; 04-24-11 الساعة 05:42 AM
  رد مع اقتباس
قديم 04-24-11, 05:52 AM   #2
أهواه والله أهواه
منتديآت لمني بشوق
 
الصورة الرمزية أهواه والله أهواه

الجنسية :  سعودية
خذاني الشوق لعيونك وجيتك 🙈🙈
غير متصل
افتراضي رد: هنا تجدووون أهوااااه

أما عن التعريف بنفسي

فأنا أخوكم وزميلكم في المنتدى أهوااااه (فهد)

لي من العمر سنيييييين وايااااااااام واجد

تقدرووون تقولون ماتجاوزت 25 عام

وعليكم الحسااااااااب وانتم عاد خمنوا

الدراسه

طالب جامعي المستوى الثالث والله يوفقنا

الهواااااايات

أحب بل أموووت بالشعر وهو بعد مايقصر معي اذا طلبته فز لي واكرمته انا بعد

واحب اقرأ اي شي وخاصه كتب الحكم والنصايح والتجارب والاسرااار واما الجرايد فان وجدتها قريتها لكن ماعمري رحت شريت جريده والمجلات الشعرية تقريبا احرص عليها لكن لي فترة ماشريت مجلة بحكم الاشغاااال

ترتيبي بين اخواااني الاول فأنا أكبرهم وانشاء الله اعقلهم مو اهبلهم هههخخ

احرص على خدمة النااااس واستانس اذا اسعدت انساااان وما احب اشوووف شخص غالي علي وضايق او سارح بفكره واتمنى اساعده باي شي لكن من اللي يستاهل ؟؟

معطي نفسي مجاااال بكل شي فالنوووم مثلا ما اجي الفراااش الا ان كنت دااااااايخ مره وان كنت مستانس ممكن اقعد يوم ونصف مادخت ولا جاني النوم فهي على النفسية والاكل اذا جعت اكلت اللي يكفيني واي شي يسد جوووعي ولا انشغل بالاكل يعني ممكن اقعد خمس ساعات على علك لان الاكل بذاته مايهمني

اعتقد مابقى شي واللي بقى راح اذكره بكتاااابة ثانيه


التعديل الأخير تم بواسطة أهواه والله أهواه ; 04-24-11 الساعة 05:55 AM
  رد مع اقتباس
قديم 04-24-11, 06:11 AM   #3
أهواه والله أهواه
منتديآت لمني بشوق
 
الصورة الرمزية أهواه والله أهواه

الجنسية :  سعودية
خذاني الشوق لعيونك وجيتك 🙈🙈
غير متصل
افتراضي رد: هنا تجدووون أهوااااه

أعتقد جاء وقت أحب وأكره

هالمجاااال واسع ولو كتبت ماراح ألم بكل شي لكن اللي راح اذكره انشاء الله يكفي

أحب ماما وبابا وجداااتي واموت بكبار السن لانهم يفيدوني كثير وبصراحه مو أكره ما أحب اللي بعمري لأني عجزت أتوافق معهم فأنا أفضل كباااار السن والصغاااار يووووه أمووووت فيهم يعني ممكن اترك ربعي بالسوق او باي مكاااان عام واجلس العب مع صغير وهذا اللي يخلي ربعي يمشون ويخلوووني كثير هههههخخ

أحب الناااااس وأحب أخالطهم مع انهم تخلوووا عني كثير واحب اهل الدين واقدرهم (اهل الدين الصحيح)واحب اللي يقدر والديه
واكره اللي شايف نفسه واللي مايحترم النااااس واللي كل شي بعينه الفلوووس واللي على باله انه ذكي وهو يلعب عالمكشوووف واللي ... واللي بصراااحه كثير من اشكاااال الناس ماتعجبني
<<<نراى محد درا عنك هههههههخخ

أحب أساعد الناس وخاصه كبااار السن والا اللي بحاجة النااااس مثل الاعمى والمعاااق وغيرهم كثير واحب احسسهم انهم افضل من النااااس واكره اللي يراهم بنظرة استحقاااار او مايخدمهم

أحب أتعامل مع عقووول الناااس فأنا مايهمني العمر بقدر مايهمني ان اللي يقابلني يفهمني وافهمه وبغض النظر عن جنسيته او شكله او عمره فالمهم عندي الشخص وتفكيره واكره اللي نظرته ان الكلام الحلو مايكووون الا مع السعووودي وغيره؟؟ ماعنده احساس مثلا ؟؟

احب الدنيا واحب اقعد لحااالي واتمشى لحااالي واقعد عالنت لحالي بالسااااعات
<<< موسوس ههههههخخ امزح
اكره اجي مجلس فيه شخص ما يعجبني واحرص على اختياااار المجالس الطيبه وعلى ماقالوا المجالس مدارس

عالعمووووم انا تاخرت شوي بودي اخواااني للمدارس

واعتقد اني كثرت اليوووم بالهرج لكن هالمكااان مساحه للتعبير وحنا شلنا السده على ماقالوا

ولي دخوووول ثاني

برب
  رد مع اقتباس
قديم 04-25-11, 01:11 AM   #4
أهواه والله أهواه
منتديآت لمني بشوق
 
الصورة الرمزية أهواه والله أهواه

الجنسية :  سعودية
خذاني الشوق لعيونك وجيتك 🙈🙈
غير متصل
افتراضي رد: هنا تجدووون أهوااااه

دخووووووووووووول

الأحد 20/5

الساعه الواحده صباحا
  رد مع اقتباس
قديم 04-25-11, 01:34 AM   #5
أهواه والله أهواه
منتديآت لمني بشوق
 
الصورة الرمزية أهواه والله أهواه

الجنسية :  سعودية
خذاني الشوق لعيونك وجيتك 🙈🙈
غير متصل
افتراضي رد: هنا تجدووون أهوااااه

راح أتكلم اليوم عن معاناتي مع الناااس اللي مدري هم بعقوولهم والا يغشاهم شي

يعني ببساطه الواحد يتغير ويبعد ويسوي زحمه بالدنيا وحتى يمكن يقول فيني شي كذب وبعد ماينساه القلب واعرف غيره وانشغل معهم واتاكد انه رحل بلا رجعه يرجع ويتعذر وهذا اطيبهم والا بعضهم يرجع وماكن صار شي واللي يتعذر يقول انه مخطي وانه وانه ...الخ , لكن مافي فايده لأن قلبي اذا اقفى افقى والله مايرجع لو ضحكته بسني وعطيته وسويته لكن مع احترامي ما اعده شي وهذا من قلبي اللي تعب مع الناااس يعني ببساطه امشي واخليه وبعضهم قسم بالله يهين نفسه عشان ارضى عليه وانا مابيدي لاحول ولاقوة لكن الله اللي يسخره , ومن كثر اللي خاويتهم وفقدتهم ورجعوا او راحوا او حتى ماتوا بديت والله اشك بنفسي واقول يمكن الخطأ مني أنا لكن أنا متأكد ان كان مني خطا فهو طيبتي الزايده اللي يعدها بعض الناااس جهاااله وقلة ذكااء وقلة معرفه وأنا ما أمدح نفسي لكن بشهادة ناس واجد أملك كل خبرة وأبدع فيها.

واللي حصل من يومين ورافع ضغطي ومجنني واللي بيخليني اسوي شي يندم عليه شخص مشيت معه لي سنتين وقبل سنه تغير وابعد ويوم نسيته مع الناااس وحتى والله ماودي يرجع لكن رجعلي بعد اربع شهووور يتعذر ويتكلم بتصغير نفسه ويهرج بكلام له داعي وماله داعي لمدة ساعه ونصف المهم انا تعودت على هالاشكااال وسامحته وقلتله بعد لكن القلب من يرضيه سامحته شكليا والقلب دفنته مع ماجد الله يرحمه (راح اتكلم عنه بكتابه اخرى) المهم يعني تفضلت عليه على انه رجاااال لكن من يومين اتصل عليه يعطيني مشغووول ويمرني بسيارته حتى مايشوفني بعينه وانا بس اللي ابيه منه سبب هالحركااااات بس يعطيني سبب ويروووح بسبيله يعني انا ماعمري اخطيت على احد لكن يمكن قلت شي مانويته ابيه بس يعلمني كاني مخطي عليه وربي لاتعذر منه لو كان اخر لقاء لي معه في حيااااااتي بس مايتركني كذا بدوووون سبب لأني انسااان متهور يمكن اسوي شي هو يندم عليه والا انا الحمدلله ماعمري ندمت على شي لأني أحسب لكل خطوة أخطيها .

وهذا اللي مزعجني وخاصه ان هالموقف تكرر من نااااس واجد وانا متاكد انه بعد شهووور او حتى اياااام قليله راح يرجع ويتعذر وراح اسامحه شكليا بعد

لأني والله تعودت بعد ماجد ما أعد أي واحد بالدنيا صديق أبدي لو يعطيني عيونه ومحد بيعطينيها

وركزت على اهلي واخوااااني وهم والله اللي يستاهلون مني كل شي وخاصه خوااااتي الله يخليهم لي ويقدرني اني اسعدهن واحقق لهن كل شي يطلبنه

وهذا موووقف
  رد مع اقتباس
قديم 04-25-11, 02:30 AM   #6
أهواه والله أهواه
منتديآت لمني بشوق
 
الصورة الرمزية أهواه والله أهواه

الجنسية :  سعودية
خذاني الشوق لعيونك وجيتك 🙈🙈
غير متصل
افتراضي رد: هنا تجدووون أهوااااه

مااااااجد وماااااجد وماااااجد الله يرحمه

لو بترك المجال وما اوقف كتابة كل ماكتبت عن مااااجد وربي ماراح أقف أبد ولا راح أوفيه حقه

يعني انساااان الفترة الحقيقيه اللي عشتها معه حوالي 4 شهووور استفدت فيها منه الكثير وعلقتني فيه قبل وبعد ماتركني

راح أبدأ من النهاااية وهي موته الله يرحمه وربي اني بكيته وللحين ابكيه كل ماذكرته وكل ماحصلي موقف وما لقيت احد اشكيله او اثق فيه (وهذا دايم يحصل) وكل مامريت مكانه بالحاره اللي كان يجلس فيه وكل وكل والله واجد اشيااااء تذكرني فيه حتى الكاااب اللي البسه كان يلبسه الحين كل مالبسته تذكرت ماااجد ماجد توفى في 3/10/1430 وماراح أنسى هالتاريخ مثل تاريخ ميلااادي يعني تاريخ ميلادي ولدت انسااان يحتوي كل المشاعر وتاريخ موت ماجد ولدت انسااان مجرد من الاحساااااس وبتاريخ ميلادي بعده باشهر بديت اردد ماما بابا وتاريخ موووت ماجد وللحين اردد ماجد ماجد (ليت تعود تشوف حالي بلياااك ..كنت اسمعك والحين همي سمعني) بتاريخ ميلادي ولد معي اطفااال واجد وبتاريخ موت مااااجد ولد فيني كثير مثل الهم والغم والبكاء اللي ماعرفته الا بعد موووته والحسره وانعدام الثقه بالناااس و..و...الخ وربي واجد لو بعدد انسى نفسي واكتب اللي محد كتبه

جاني الخبر وانا بعيد عن ديرته وماصدقت لاني واستغفر الله قد اتوقع الناس كلهم يمووتون بس ماااجد مايتركني لكن خاب ظني وماهو بكيفه والله لكن حكم القدر فرقنا وقسم بالله تمنيت اندفن جنبه لأني للحين مالقيت اللي يعوضني عنه بالتحديد الخبر جاني بالليل وقعدت شوي مع شباااب واتصلت على اللي بديرته كلهم وكلهم اكدوا الخبر ومعذلك ماصدقت ورحت ونمت ويوم قمت الصبااااح الساعه 10 والله ما انسى ذاك اليوم لقيت رساله من اخوووه يقووول ماجد توفى وراح نصلي عليه العصر هنا تاكدت 50 بالميه اني فارقته ومشيت بسرعه من مكااااني وكانوا اهلي معي بالسياره وكانت المسافه 200 كيلو لديرته وطول المسافه انا اسوق بس مدري عن الليء معي كنت طول الطريق أبكي واذكر ايااامه وكلامه وضحكته اللي ماتفارق وجهه اصلا وجهه طفووولي اللي يشوفه وده ياكله الله يرحمه المهم وصلنا ديرته وكملت بكاااي بالبيت وكان كل اهلي عندي يهدووووني وانا تقريبا كنت بحاله هستيريه يعني امسك امي واسالها هو صدق مااات وهي تبكي معي واسال جدتي وتبكي بعد كنت بس ابيهم يكذبووون الخبر لو يكذبووون المهم يوم اذن العصر رحت اصلي عليه ويوم شفته ممدد ومكفن تاكدت يقينا اني خلاص ماراح اشوفه بالدنيا ودفنته وانا كلي اسى بس حااابس دموووعي لين اطلع من المقبره ويوم طلعت مشيت بالسياااره مدري وين اروووح وكتبت القصيده بنفس الوقت مع البكاء والتذكر الله يرحمه واللي شد انتباهي بالمقبره وحنا ندفنه حتى اللي كانوا يزعجوونه بحياته واللي متمشكل معاهم جايين يصلون عليه ويقبرووونه فلله دره من شاااااب

والله مقدر أكمل انشاء الله بكمل بوقت ثاااني

والحين عاد بحط احدى مرثياااتي بماااجد واسمحووولي لان عندي دوااام والوقت متاخر

حان الرحيل وودع القلب غاليه ... وأقفوبه العالم وهلن الأعيان
راح العزيز اللي ملا كل نواحيه ... راح ودموع العين تجري جرايان
كل ماتذكر جلسته ثم حكاويه ... وان جيتله زعلان عودت فرحان
وكل ماتذكر لا كشفلي خوافيه ... فضفضلي الخافي ولاشال الأحزان
وان جيتله مهموم والهم مخفيه ... ارجع وأنا مبسوط وأضحك بالاسنان
وغيره كثير وخايف إني أطريه ... واحتاج دمع العين وأهل وأنهان
كل ماتذكر هالسوالف وأناديه ... ماسمع ردود اللي غدا يلبس أكفان
وين أنت ياللي دوم بالخير نطريه ... من غيبتك ياخوك همي ترا بان
من غيبتك قلبي غدا الحزن ماليه ... وأصبحت كل الوقت سارح بالأذهان
مابين أصدق هالخبر والا أخليه ... والموت حق وخالق الناس رحمان
الموت ياخذ كل غالي ومغليه ... ولا كل طايل بالعمر قال كسبان
أحدن يعيش سنين والله يبقيه ... ويختم له الله شارب السم سكران
وأحدن مع العشره ثمان وتكفيه ... ويموت في مسجد قرا فيه قرآن
والا أنت ياماجد فتى مانساويه ... ندعيلك الله جاعل الموت برهان
يالله يالمعبود طالبك تسقيه ... من بارد الما تسقي اليوم ظميان
وتوسع بقبره ويارب ترضيه ... وتغفرله الماضي ولو كان غلطان
وتعظم أجر أم تبى شوف عينيه ... وألهم هم اللهم صبر وسلوان
واللي تعب ربى وزود دعاويه ... يارب عوض والده طيب وإيمان
ماجد فقيده وانفقد من معاديه ... ماقد غلط لكن ظليمه وعدوان
والله لو ابكي ويرجع برجليه ... لابكي الين أطيح ياناس غشيان
وأصحى وأصيح بعالي الصوت وأدعيه ... ماجد وقلبي عقبكم سد بيبان
لكن دعيت اللي ترا دوم نرجيه ... يرحم سجين ماله اليوم سجان
وهذي من حقوقه علي ليتي أوفيه ... شي بسيط وليتله فيه ميزان
هاض الخفوق وبين اليوم مافيه ... لحظة وداع إنسان وأظنه إنسان
شكله بشر لكن وصوفه تحليه ... ماقوى على وصفه ولو دجت الأكوان
لكن بتوفيق الولي جت قوافيه ... واختم بها ماجد لها دوم عنوان
وصلوا على المختار والقاف أبنهيه ... ولو مت ياماجد لك فداخلي شان
يوم 4/10/1430 يوم دفن ماااجد الله يرحمة رحمة واسعه

وقد انشدت بصوت احد اصحااابي

والحين عن اذنكم
  رد مع اقتباس
قديم 04-26-11, 03:40 AM   #7
أهواه والله أهواه
منتديآت لمني بشوق
 
الصورة الرمزية أهواه والله أهواه

الجنسية :  سعودية
خذاني الشوق لعيونك وجيتك 🙈🙈
غير متصل
افتراضي رد: هنا تجدووون أهوااااه

دخووووووووووووووول

فجر الثلاثاء 22/5/1432
الساعه 3:40 صباااحا


  رد مع اقتباس
قديم 04-26-11, 04:09 AM   #8
أهواه والله أهواه
منتديآت لمني بشوق
 
الصورة الرمزية أهواه والله أهواه

الجنسية :  سعودية
خذاني الشوق لعيونك وجيتك 🙈🙈
غير متصل
افتراضي رد: هنا تجدووون أهوااااه

والله ودي اكمل كلااامي عن مااااجد لأني استانس ان تكلمت عنه

حصل لي معه موقف خلاني احطه بعيني بكفه والناااس كلها بكفه وطبعا هو اللي ارتفع

طبعا الموقف ألا وهو : بعد ماتخرجت من الثانويه اشترى لي ابوي الله يخليه لي سياره طبعا جديده من الوكاله المهم انا حتى قبل اشتري السياره كنت مشغووول باهلي بما اني اكبر اخواااني والرجل الثاني بالبيت <<< مسوي زحمه هههخ>> فكنت اكثر اغراااض البيت انا اللي اروووح واشريها ومشاوير اهلي كلها انا اللي اوديهم واجيبهم يعني اشغاااال كثيره وللحين خلوها على الله بس اللي حصل اني بعد ماشريت السياره تعرفوون بكمل خدمتي لاهلي وباخذهم امشيهم وخاصه انها ببداية العطله يعني لازم اونسهم اغلب ربعي بدوا يتكلمووون ان فهد تكبر بعد ماشرى السياره ومدري وش مع اني بعضهم ان شفته وقفت عنده وسلمت لكن بوجه عام انا مشغووول مع اهلي المهم اللي تكلم واغتااابني طبعا لا تسالون كيف عرفت لان العلوم تجي مع الريح
الكل سب الا واحد الله يرحمه ماجد كنت امر مكانه اللي الحين من اشوفه على طووول اتذكر وجهه كنت امر وانا مستعجل يعني مقدر اقف والرجال الطيب يقدر وهو ذاك الرجال بعد ماشريت السياره كان اغلب وقتي مع اهلي وفجأه جاني رساله من ماجد للحين اتذكرها بقلبي (ابو فلان مبروك السياره والله يعطيك خيرها ويكفيك شرها) يعني حتى مازعل ولا تشره انا على طووول طاح وجهي وانا ماقابلته فاتصلت عليه وتعذرت منه وتفاجأت انه يقول لا تعذر اعرف ان عندك اشغال مع اهلك ومن هالكلام .

يعني بالله شفتوا احد بالاخلاق الراقيه ذي

والله ماشفتها باحد قبله ولا بعده للحين

طبعا نظرتي بحدود المجتمع اللي اعيش فيه

وراح ابحث وانا الحين دايم اخسر النااااس ماهو لعيب فيني والله
لكن من النااااس مدري شبلاهم يعني اقل شي اشوفه منهم قلة احترااامي
وبعضهم يعدني مافهم بالدنيا واني للحين جاهل ويقدر يضحك علي بسهووله
مع اني عكس هالكلااااام مية مره لكن اسايرهم واللي مايعجبني على طوووول
ابعد عنه حتى ما اقوووله اي كلمه لأني ادري ان مافي فايده ويمكن اتعذر منهم لأني أشغلت وقتهم فالتفكير فيني

لكن للحين عندي امل القى انساااان كامل الاحساااااااااس مثل ماجد انسان يفهمني وافهمه انسان يقرأافكاااري من عيوني مثل ماكنت اقراها من عيوني صديقي اللي تركني لأجل كلاااام النااااس واستاهل مني القصيده اللي اقول بمطلعها (ياراجي الرجعه ترى القلب طايب ... وحتى مكان تسكنه ماتحراااك)

لكن بجد اتمنى القى شخص تفكيره نفس تفكيري ومايهم شنو جنسه او عمره او حاله

يعني انا كنت اسولف عالمسن مع بنت ماعرف عنها الا اني افضفض لها ان كنت ضايق وهي توسع خاطري وهي بعد تفضفضلي وانا احاااول اسعدها باي شي وحتى الجوال ماتكلمنا فيه الا يمكن ثواااني بس عشان نتأكد من بعض ومانلعب على بعض والبنت تقريبا محافظه شوي وانا مرتااااح لوضعها واساعدها على هالمبدأ والله .

وماقلت هالكلام الا من مبدأ الصراحه لأني أحب الصراحه والناس الصريحه واكره الكذب والخدااااع والنجاسه كلها

واما عن هالبنت لها يمكن شهر او اكثر ماكلمتها مدري والله عنها وحتى رقمها مسحته بعد ماتأكدت منها الله يحفظها ويرعاااها

ومن صفاااتي اللي ماراح اغيرها واللي تسبب لي مشاكل دايم الصراااحه الزايده اللي مالقيتها عند اكثر الناااس وبجد لقيتها عند مااااجد لكن للأسف قسمها بيني وبينه وقسمي دفنته بقلبي وقسمه دفنه معه بقبره

اتمنى تحملووووني على كثرة الكلااااام لكن والله ماعاد اثق بأحد وانا اتكلم بهالمنتدى
لأن محد يعرفني فيه وماعرف احد ومرتااااح لوضعي والله عاد اخذ راحتي بالكلام
الله لا يحرمني من هالمنتدى الغالي

وعن اذنكم
  رد مع اقتباس
قديم 04-29-11, 02:08 AM   #9
أهواه والله أهواه
منتديآت لمني بشوق
 
الصورة الرمزية أهواه والله أهواه

الجنسية :  سعودية
خذاني الشوق لعيونك وجيتك 🙈🙈
غير متصل
افتراضي رد: هنا تجدووون أهوااااه

دخوووووووووووووول

الخميس

24/5/1432

الساعـــه

2:08 صباحا
  رد مع اقتباس
قديم 04-29-11, 02:19 AM   #10
أهواه والله أهواه
منتديآت لمني بشوق
 
الصورة الرمزية أهواه والله أهواه

الجنسية :  سعودية
خذاني الشوق لعيونك وجيتك 🙈🙈
غير متصل
افتراضي رد: هنا تجدووون أهوااااه

هاااااااااااي

صباااااااااااح الخير عالجميع

يقولون (الخميس يوم ونيـــــــــــــس)

وووووو (الجمعه هـــلــت الدمعــــــه)

وانا من الحين هلت دمعتي لكن ماهو حزن لا والله الحمدلله من اليوم مروووق ومالي بالهمووووم لكن دموووعي بسبب حساسيه بعيووني مقلقتني الله يعين بس

جونا هاليومين غبااااااااااار مانقدر نجلس ولا نكشت ولا نبعد عن البيت لكن مالنا الا للتسليم للمكتوووب

وهالليله لو انها متاخره حبيت أبارك لأخواننا مشجعين البرشا لو اني ما اشجع برشلونا لكن حبيت أبارك من باااب الفرحه لاخواني بالمنتدى

وانا ابي دوى ضرووووووووري للشوق والحنين والالتيااااااااااع واللي مسوي نفسه ثقييييييييييييييييييل ومادرى اني امشي عن الواحد مثل السلام عليكم

الله يعينه بس

واطلب له اغنية بشااااار السرحااااااااااااان أنت اللي خسران

وسمعوووووني احلى تحيه لاحلى منتدى

وبرب
  رد مع اقتباس
قديم 05-01-11, 04:52 AM   #11
أهواه والله أهواه
منتديآت لمني بشوق
 
الصورة الرمزية أهواه والله أهواه

الجنسية :  سعودية
خذاني الشوق لعيونك وجيتك 🙈🙈
غير متصل
افتراضي رد: هنا تجدووون أهوااااه

دخووووووووووووول

فجر الأحد الموافق 27/5/1432

وصباااااااااااااح الخير عالجميع
  رد مع اقتباس
قديم 05-01-11, 05:14 AM   #12
أهواه والله أهواه
منتديآت لمني بشوق
 
الصورة الرمزية أهواه والله أهواه

الجنسية :  سعودية
خذاني الشوق لعيونك وجيتك 🙈🙈
غير متصل
افتراضي رد: هنا تجدووون أهوااااه

في الحقيقة والواقع حبيت أتكلم اليوم عن قصيدة هزتني بجد وتخيلت نفسي وأعو بالله من ابليس بدون أم لاحول ولا قوة الا بالله

قصيدة للشاعر الحميدي الشمري وموجودة باليوتيوب للي بيبحث بعنوان (قصيدةالحميدي بأمه) ويختار أول مقطع

بجد قصيدة كلها احسااااس وتنزل الدمووع غصب الله يرحم أمه ويرحم أمواااات المسلمين

وعندي وصية لكل من يقرأ هالمدونه : الله الله بوالديك تراهم جنتك ونارك واللي فقد أحد والديه أو كلاهما نقول عظم الله أجرك ولا تنسى حديث النبي صلى الله عليه وسلم اللي ذكر ان العبد ينقطع عمله بعد موته الا من ثلاث وذكر منها ولد صالح يدعو له
ووصيتي للي والديه عايشين لا تضيع الفرصه ترى الجنة تحت أقدام الأمهات وش يضرك لو حبيت رجل أمك والله ماينقصك شي بالعكس بتفرح أمك ويمكن حتى ماتوافقك عليك لأنها ماترضى على ضناها الاهانه وهي بالحقيقه ماهي اهانه بل الجنه جزاها واذكر نصيحه شخص كبير بالسن نصحني وقال : اذا جيت والديك انزل وحب رجليهم لأنك ماوصلت قدر راسهم ولا حتى يدهم .
والوالدين يكفي انهم سبب مجيئنا للدنيا بعد الله سبحانه ويكفي انه الله قرن عبادته بالاحسان الى الوالدين كما قال بالايه الكريمه (وقضى ربك ألا تعبدوا الا اياه وبالوالدين إحسانا ...) فهل لنا عذر ونحن نسمع كلام الله وكلام نبيه عن فضل الوالدين ومع ذلك نرفع صوتنا على والدينا وفي شي يمكن لمصلحتنا , وتأكد ان والدينا مايمنعوننا عن شي الا وفي المنع مصلحه لنا بس مانعرف هالمصلحه الا بعدين , والدنيا ماتستاهل الا نزعل والدينا , وأبنهي كلامي بمثاااال وانتم قارنوا : لو شخص تفضل عليك لمدة عشر سنوااات يعني وداك وجابك وحققلك اللي تبيه وعطااك اللي تطلبه وماقصر معااك بشي طبعا بطبع الانسان الطيب اللي يخاف من الله وش راح تسويله ؟؟؟؟

جاوب وطابق هالكلااام على والديك بل الوالدين افضالهم قد تتعدى الثلاثين سنه واكثر

(وبالنهايه هالكلااام يمكن يعرفه كل شخص قراه بس يمكن الواحد ينسى او يجهل بعض الشيء فهو للتذكير فقط , وأتمنى من كل شخص قرأ هالكلااام وأمه قريبه منه يقوووم ويبوووس رجلها اذا امكن أو يدها وراسها ولاحظوا انطباااع هالفعل على امك واللي جالس معها يمكن تستغرب اذا كانت اول مره تفعلها لكن كرر مع الايااام راح تعود وتفرح بفعلك )

والوالدين لو تكلمنا كل وقتنا ماوفيناهم حقهم لكن اكتفي بهالقدر واسأل الله الأجر العظيم وأن يقدرني على بر والديني أحياء وأموااات بعد عمر طويل

وعن اذنكم ...
  رد مع اقتباس
قديم 05-02-11, 05:31 AM   #13
أهواه والله أهواه
منتديآت لمني بشوق
 
الصورة الرمزية أهواه والله أهواه

الجنسية :  سعودية
خذاني الشوق لعيونك وجيتك 🙈🙈
غير متصل
افتراضي رد: هنا تجدووون أهوااااه

دخوووووووووووووول

فجر الاثنين 28/5/1432

صبااااااااح الخير عالجميع
  رد مع اقتباس
قديم 05-02-11, 05:34 AM   #14
أهواه والله أهواه
منتديآت لمني بشوق
 
الصورة الرمزية أهواه والله أهواه

الجنسية :  سعودية
خذاني الشوق لعيونك وجيتك 🙈🙈
غير متصل
افتراضي رد: هنا تجدووون أهوااااه

حبيت أضع اليوم لكم هالقصة اللي أثرت فيني والله

وأعذروووني لأنها حزينه شوي ويمكن تأثر في بعضكم

لكن والله أعجبتني على بالغ أثرها فيني

والقصة هي :

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]



الأبيات كتابتاً
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

واعذرووونا

وعن اذنكم
  رد مع اقتباس
قديم 05-07-11, 09:21 AM   #15
أهواه والله أهواه
منتديآت لمني بشوق
 
الصورة الرمزية أهواه والله أهواه

الجنسية :  سعودية
خذاني الشوق لعيونك وجيتك 🙈🙈
غير متصل
افتراضي رد: هنا تجدووون أهوااااه

دخووووووووووول

صباح السبت

4/6/1432

الساعه

9[لايمكن مشاهده الصور والروابط الا بعد التسجيل ]1 ص

صباااااااااااح الخير عالجميع
  رد مع اقتباس
قديم 05-07-11, 09:44 AM   #16
أهواه والله أهواه
منتديآت لمني بشوق
 
الصورة الرمزية أهواه والله أهواه

الجنسية :  سعودية
خذاني الشوق لعيونك وجيتك 🙈🙈
غير متصل
افتراضي رد: هنا تجدووون أهوااااه

لي فترة مادخلت وحبيت اليوم اسلم عليكم واوضح واتكلم شوي

طبعا اليوووم متحمس ونايم البارح بدري ومراجع اختباااري اليوم واصلا الاختبار سهل
بس قلت اجيب درجه حلوه وحتى رحت الجامعه مسرع لاني تاخرت شوي بالمنتدى
وجيت الجامعه قالوا الطلاب مافي دراسه لان الجو مايساعد كان في غبااار حول الجامعه وعطوونا اجازه والله قهر صح ؟؟

فالحين مدري شسوي شبعاااااااااااان نوم وماعندي شغل

حتى رحت المستشفى قلت اضيع وقت واسوي موعد لاختي قالولي شي كنت افكر فيه وانا نازل من السياره قبل اجيهم لانهم دايم يطلبونه وانا دايم انسى
قالوا لازم دفتر العايله وربي استعمل دفتر العايله اكثر من ابوي يعني مو احسن يصير معي دايم ؟؟؟ شسوي اقنعوا ابوي انا مليت اقوووله
يعني اهلي دايم يسافرووون معي واخذ الكرت (كرت العايله) منه
مواعيد المستشفى والمراكز الصحيه انا اودي امي واخواني واخذه منه ان مانسيت والا يتأجل الموعد
الحدايق والالعاب لازم اخذ الكرت منه
كل شي انا اسويه يعني لو الدفتر باسمي كان ابرك
انا ماقول مليت لاني ملزووم وفيهم اجر بس وربي تعبت يعني مرات يجي براسي اتزوج ابرك يعني الحين اسوي اشياااء كثيره ومع ذلك قليل اشكي لاحد او بالاحرى ان ضاقت علي او بغيت اشكي مالقيت احد يعني هذا وقت الزوجه اللي تفهم الواحد وتقدر الظروف وتخفف علي وتسليني واشهد اني ابقلق راحتها وبنفس الوقت بحاول اسعدها لان الاشياء اللي اسويها للناس بتكوون هي اولى منهم فيها واقصد بالاشياااء يعني العشيات والهدايا والرسايل وبعض القصايد واقصد بالناااس غير اهلي الخاصين لاني بصراحه مليت من الناااس اللي تجازي الاحسااان بنكران .
والبارح عطيتها واحد كاااش قلت انت جاحد المعروووف وربي انا كنت مستحي اقولها لكن شسوي يستاهلها وبعد هو ضاع وجهه ومايدري وش يقووول لاني والله ماتحملت يعني هالشخص تعبت نفسي اسوي له خدمه كبيره ومن عند مدير الجامعه (معالي المدير مو اي عميد عادي) والخدمه والله ماراح تنفعني بشي ابد وحتى محد درا عنها عشااان اقول سمعه لانه يقوول مابي احد يدري وسمعت كلامه المهم سويت ورحت وجيت ولاالله كتب له نصيب ومااقول ماصار شي بس اللي حصل تاجيل المعامله لبداية الترم الجاي يعني باقي فرصه وكلمني وعلمته ان للحين يقولون مع بداية الترم وربي كنت انتظر منه بس كلمة مشكوور وماقصرت لاني متعود اقولها دايم حتى للي يسوي معي ردى لكن للاسف صدمني بكلمته يوم قااال يعني انت ماسويت شي وانا على طول قلت لا ماسويت شي وانا اصلا اردى خلق الله يالله انا ماني فاضي الحين باااااااي قال اصبر بيتعذر شوي انا قلت ماني فاضي اذا فضيت اكلمك وتركته , الكلام ذا يوم الثلاثاء وقابلني البارح الجمعه ويتعذر وقلت له الكلمه ان جاحد المعروف وبيني وبينكم اللي يخطي يستاهل حتى هو قال اني ماقصدت وفكرت بالكلمه قلت انتبه للسانك ثانيه لا تزل عند الرياجيل وتاكلها
المهم ان اللي يدووسلي على طرف ياكلها
ولا امدح نفسي لكن اشناااب ونااس عندهم عياااال يتعذرووون مني عشااان زلة بسيطه لا برسااااله يرجعوون بعد

هذي الدنيا وانا قد سمعت حكمة اجنبية تقول ( الدنيا تحترم من يستهين بها )
وربي هذا اللي لقيته بالدنيا يعني هي دنية ولا تستاهل من احد يحترمها

واعذرووني على هالكلاااام لكن انتم قريتوا هالمووقف واحكمووا بعقولكم .

التعديل الأخير تم بواسطة أهواه والله أهواه ; 05-07-11 الساعة 09:46 AM
  رد مع اقتباس
قديم 05-07-11, 10:23 AM   #17
أهواه والله أهواه
منتديآت لمني بشوق
 
الصورة الرمزية أهواه والله أهواه

الجنسية :  سعودية
خذاني الشوق لعيونك وجيتك 🙈🙈
غير متصل
افتراضي رد: هنا تجدووون أهوااااه

مما راق لي من قمة الإبدااااع وقمة الجزالة

ومن مدرسة الشاعر المبدع محمدبن فطيس اخترت هذه القصيدة

واتمنى ان تعجبكم كما اعجبتني وكل وقتي اطري البيت الاخير فيها

فيقووول الشاعر

وش قومكـ .. ووش فيكـ .. وإلاعــلامكـ
قدلكـ معي كم يوم و أعلومك أعلوم
وأنا أدري أنــي يــآ مرآمي مرآمـــكـ
لـو تقعـد الدنيـــآ و لآ تقـدر تقــــوم
عطيتني قلب !! و بخلت بسلآمكـ
وشفآيدة حبك و أنــآ منــك محروم
لآعــاد تزعل و أحييني ببتسآمكـ
ضحككـ يزيل أوجاع و جروح و هموم
وكــلآم عينـــك مآ يهمش كلآمــك
كلآم عينك كوم و حكاك لي كـــــوم
لآغبت عن عيني رح انشد غرآمــكـ
تلقاك في قلبي مقلط و محشـوم
بعدين يآ أغلى الناس وفــر ملآمـكـ
ترى الغــلآ يجفل على كثرة اللـــوم
دونك خفوقي ممتلي من سهامكـ
ولآ شكيتك جرحه و قلــة النــــوم
القلب مثل الطير .. وفر حمامــكـ
إنافلس اقفى للسماء يقلب الحوم
لكن قبل لآ انسى بنبهك دآمــــكـ
مسلم و باقي كم شهر و يدخل الصوم
لآيذبح الموضوع قل اهتمامـــكـ
طعني وشف لك شيخ يفتي لك اليوم
مآظنتي يــآ زين يقبل صيآمــكـ
ريقك عسل .. علمني و شلونبتصوم


والحين عاد عن اذنكم

دايخ شوي بريح شوي وبقووم العصر

(( ياطير يامسافر له وصله هذا الكلااااام ))

استاذن عاااااد
  رد مع اقتباس
قديم 05-07-11, 02:01 PM   #18
أهواه والله أهواه
منتديآت لمني بشوق
 
الصورة الرمزية أهواه والله أهواه

الجنسية :  سعودية
خذاني الشوق لعيونك وجيتك 🙈🙈
غير متصل
افتراضي رد: هنا تجدووون أهوااااه

للأسف ماجاني النوم

هالنوووم بجد اعاني منه يعني يجيني بوقت مابيه

واذا بغيت انااام لان عندي شغل ضرووري وبريح شوي ماجاني

عشااان كذا بعاند راااسي وماراح اناااام الا بالليل والله يعينني

الحين انا دايخ بس ان سكرت الجهااااز وحطيت راسي بنااام طار النوووم وجتني الهواجيس الله يحفظنا

عشان كذا تعودت اني ماحط راسي الا ان كنت انعس بجد بحيث ان حطيت راسي عالمخده اناااام بسرعه حتى قبل يفتح ابليس باب غرفتي ههههه<<شعنده متاثر بكاسبر

انا عاد اشغلتكم بكلااامي الكثير بس شسوي ماعندي الا انتم واشكيلكم

تحملوووني عاد
  رد مع اقتباس
قديم 05-07-11, 02:08 PM   #19
أهواه والله أهواه
منتديآت لمني بشوق
 
الصورة الرمزية أهواه والله أهواه

الجنسية :  سعودية
خذاني الشوق لعيونك وجيتك 🙈🙈
غير متصل
افتراضي رد: هنا تجدووون أهوااااه

لأن الورد .. من أجمل مافي الحياة ..
فهو .. يحمل العديد من اللغات الخاصة به ..
اللتي نعلمها .. واللتي لانعلمها ..


فا للورد .. روح .............
....وللورد .. كبرياء ..
................وللورد .. جمال ..
............................وللورد .. حب ..
........................................وللورد .. ذكاء ..
.......... ........................وللورد .. عشق ..
............ ........وللورد ..أنوثه ..
......................................وللورد .. حنان ..
................وللورد ..تواضع ..
وله العديد العديد من اللغات ..
الكلمات هي لغة تخاطب الإنسان.تدخل معهاالنظرات والايحاءات
ولكن ..لنستخدم لغة هي فريدة من نوعهامميزة في معانيهاوسريعة في التواصل



دعوة,,,



لنجعل لغة تخاطبنا هي الزهور.لغة لم يسبق لاحد ان اكتشفها على مر
العصور..فالورود موجوده ولكن لغتها لم تقرر كلغه رسميه
هي لغة خاصه تخاطب المشاعر والاحاسيس .تبعث فينا الامل والفرح
ننظر الى الاشياء بنظرة التفاؤل .فيالها من حروف عظيمه
.
تقدمها لمن هو قريب الينا.وتعبر عن مكنون الوجدان واسرار القلوب

قد عرفها الشعوب على مر العصور باختلاف بيئتهم وديانتهم والوانهم.استخدمنا الزهور لننتج العطورولكل زهره معنى ولكل لون معنى ولكل عدد معنى .

الوردة الحمراء
:
تمثل الجمال و الحب الملتهب ورسالتها
..(أحبك من كل قلبي )
الوردة الصفراء:
تمثل السعادة والغيرة في الحب ورسالتها ..
( لن تكوني لأحد غيري )..

الوردة الزهرية : الرقة والافتنان ورسالتها .. (أنا معجب بك ).

الوردة البنفسجية: تمثل الحب الحزين : وكأنها تقول :

( مهما حدث سأظل أحبك )..

الورده البرتقاليه:
تمثل رهافة المشاعر ورسالتها

..(رقتك تفوق رقة الورود )..
الورده البيضاء:
ترمزالى.. النقاء والطهر والصفاء ورسالتها:

احبك حبا صادقا طاهر
اما الاعداد : فواحده تعني انت كل شئ بالنسبه لي


والمعاني : الكاميليا فهي اعجاب ..حظ واعتز بحبك
الاقحوان هي صديق رائع..فرح

ملطوووش من ايميلي

اعجبني وحبيت انقله لجميع من يحبني ويقرأ مدونتي

واسمعوووا يا اهل الوروووود

ياللي تعرفووونه من منابته
  رد مع اقتباس
قديم 05-08-11, 12:12 AM   #20
أهواه والله أهواه
منتديآت لمني بشوق
 
الصورة الرمزية أهواه والله أهواه

الجنسية :  سعودية
خذاني الشوق لعيونك وجيتك 🙈🙈
غير متصل
افتراضي رد: هنا تجدووون أهوااااه

الله يستر بس

سويت حركة شكل امي بتقفل المطبخ دايم هههههخ

لكن تلوووموني امي وخواااتي رايحات لبنت خالتي يتعشن عندها وتاركيني انا واخووي اللي اصغر مني بالبيت بدووون عشاء , عاد قلت لاخوي وش براسك تعشى قال ابي جامبو شاورما قلت غالي والطلب رخيص والله واتصل على مطعمي المفضل واطلب 2 جامبو بدون مايونيز مع زيادة كاتشب واروووح واجيبه من المطعم واعطي اخوي واحد ياكله واخذ واحد وانشغل بالمنتدى اللي حتى العشاء أغناااني عنه ويوم خلصت من (أحلاهم) ومشاكلها ههههخ وربي امزح بس ماكان بالمنتدى الا احلاهم وقاعد عشانها المووهيم يوم خلصت من المنتدى لقيت الجامبو بااارد وطبعا بقصدير قلت لازم احميه ومسوي نفسي اعرف بالحركااات ذي وافتح الميكروووويف واحط الجامبو بقصدير واوقت 7 ثواااني<<مطووول , مادريت الا يوم ضرب الجهااااز مدري عاااد مني والا لا<< بيطلع منها , والله وافصله بسرعه قلت اكله بااارد ولا اكل شي توه مطبوووخ فالمستشفى قسم الحروووق صح والا لا ؟؟؟

بس المشكله توي جبت امي وللحين بس انتظرها جايه معها عصا مكنسه والا معلاق ثوبي اللي لابسه اليوم والا اله من هالقبيل من الشي اللي متعود عليه

<<<خايف ويتلفت وحاط ايده على راسه عشاان الضربه تجي بإيده

بس شسوي ما باليد حيله

وانشاء الله تقتنع امي وتسامحني ان قلت انا اللي بصلح الجهااااز

وعلى طاري التصليح عندكم سلف 200 رياااال هههههههخخ امزح اكثر ماكثر الله المساااجد بشيل الميكرويف للمسجد عشان يصدقووون حالتي

والله يا انامستعجل يمكن ماخرب والا يمكن تصليحه بسيط كل شي محتمل

الله يستر بس
  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

لمني بشوق منتديات لمني بشوق مركز تحميل لمني بشوق

الساعة الآن 11:25 AM.


Powered by vBulletin® Version 3.8.9
Copyright ©2000 - 2024, Jelsoft Enterprises Ltd
Ads Organizer 3.0.3 by Analytics - Distance Education
جميع الحقوق محفوظه لمنتديات لمني بشوق