مااااجد

[أهواه والله أهواه]

مااااجد

السلام عليكم ورحمة الله وبركاااته

صباااح الخير عالجميع

حبيت أضع بين أيديكم أخر ماكتبته وماوعدتكم به

فهذه قصيده عن صاحبي الذي توفى قبل سنه وسبعة شهووور

ويعلم الله اني اشتاااق له كل يوم اكثر من اول

لكن الله يعين على هالدنيا

واترككم مع القصيده

واقوول

ماجد بعد مرت سنه عقبها شهور ... فيها ولا فارقتني كل ليله
أجلس معا طيفك وأنا فيك مسرور ... واقول ياليت الليالي طويله
أسهر معك وأضحك ولو كنت مقهور ... طيفك ينسيني هموم ثقيله
صرت أتخيل شوفتك وأنت مقبور ... تجلس معي والهم عني تزيله
اتخيلك عندي معا طلعة النور ... حتى المطر كنك ظهرت بمسيله
واتخيلك لاقالوا الناس مشكور ... كنت اعتقد من غير شخصك قليله
واتخيلك بعد العصر تبدي الشور ... لاجيتك أشكيلك ظروف عليله
تقول مش الحال لو كان مقصور ... وامشي وأنا كل هم مطلق سبيله
أتخيلك وأجيك وأحسب لي شعور ... وأثري بلا عقلي ولا لي حيله
وارجع واهل الدمع ياخوك مجبور ... ياهي مصيبه شخص يفقد خليله
بكيتك لحالي واببكيك وازور ... قبرك ولالي غير قبرك وسيله
في هالحياة احترت واحزاني قصور ... كل ماهدمت جدار عوض بديله
تعبت أرد الهم يلحقني كسور ... صار الردى والضيم كل الحصيله
بس اتنهد ينكشف كل مستور ... أبطيت مع قلبي أهدي غليله
يذكر زمان كان بالخير مذكور ...قبل اعمل اشياء غدت مستحيله
يازينها أيامك بها الهم مبتور ... نجلس مع الساعات تصبح بخيله
تقضي بسرعه واحسب الوصل مقدور ... واستغفر الله قلت موتك يبيله
يبيله سنين مع سنين تدور ... وقبلك أفارق هالحياة الجميله
لكن رحيلك صار واقع بلا زور ... رحل معه قلبي بعقلي يشيله
رحلت عني دون ماتحمل شرور ...حتى بكيتك دمع ماجاء مثيله
والحين بعدك حالي ان زان مكسور ... أصبحت ويا الهم في كل ميله
معذور ياهمي وأنا فيه معذور ... قبله فلا شفته ولا بعد جيله
تميز بطبع عن الناس محكور ... وأصبح على اهل الطيب شيخ القبيله
لكن رحيله يجمعه دمع منثور ... من شخص قلبه ظل ماجد نزيله
والحين هام وداج في كل طابور ... ويدعي عسى النسيان يمحى رحيله
هذا كلامه تم باوراق وشطور ... والحال بعدك ياخليلي هزيله
واوعدك في ديوان وافي ومنشور ... كله قصايد شوق فيك وجزيله
والحين ابنهي قاف من قلب محفور ... بعدك حفر قلبي وأييس تجيله
واختم مدام اني لكم كنت مجرور ... من بعدكم ضاع الطريق بدليله

وسلامتكم

المصدر: منتديات لمني بشوق - من قسم: (✿) وَزْن وَقَافِيْه