نزعتي الرمح من صدري وفي ظهري طعنتيني.!!!

[ضــنـ الشــــوق ــاني...]

نزعتي الرمح من صدري وفي ظهري طعنتيني.!!!

كتبت الشعر مو لجلك ولكن فاض بي بركان
وأما انتي فلا تسوي قصيدة في نظر عيني

حلفتيلي تصونيني إذا صار الزمن خوان
وأول ما عثر حظي على دربك خذلتيني

كسر رمح الزمن صدري وجيتك اشتكي حيران
نزعتي الرمح من صدري وفي ظهري طعنتيني

خسارة كيف حبيتك نعم والله أنا ندمان
غبي ادري نعم ادري ما دام أنك سكنتيني

ثلاث سنين من عمري وأنا في لعبتك غرقان
أشيل الشوك من دربك وجرحي كان يدميني

وكنت أبكي إذا تبكي وأكون لبسمتك فرحان
وكنت أقرب من رموشك لعينك يوم تبغيني

عرفتك للأسف صحرا وحولتك إلى بستان
وشلتيني غصن اخضر وفي صخرك زرعتيني

حفرتك داخلي ظني تصوني عشرتي أزمان
وكنت أحفر قبر موتي على ساحل شراييني

على كف الشقا نامت جروحي والألم سهران
يحطمني يبعثرني وفي صحراك يرميني

ولكن عزتي تفرض أكون بدنيتي سلطان
وإن ظنك أجي أركع لرجلك ما عرفتيني

أنا ما عادتي أشحت من امْثالك رضا وإحسان
أموت بعزتي أرحم ولا ذلك يغطيني

وما دام الوفاء عندك يدور له على عنوان
بدور لي على قلب يصون الحب وسنيني

ولو قلبي ذكر حبك باولع فيه بالنيران
وبكسرها أنا رجلي إذا صوبك توديني

ولو دار الزمن ضدك وجيتي تطلبي الغفران
وجبتي الشمس في كفك لعندي .. ما بتلقيني

تقول الناس في وصفـك : جميله مثل عـود البان
وإنك أجمل وأحلى بشـر مخلوق من طـيني

وإنك غالية وأثمن من الياقـوت والمرجان
تقوم أكوان من شانك وتقعد لك بلاديني

حساااافة غـرّهم شكلك، ويا ما تخدع الألوان
عموما.. قد بقت كلمة أخيرة لك وسِـمعيني

إذا كنتي بنظر غيري ملاكٍ فــي شكل إنسان
قسم بالله ما تسوي قصيدة في نظر عيني



الشاعر العماني سلطان العلوي



منقوووووووول


تحياتـــــيــ لكمـ

أخوكــــــــــمـ

ضناني

المصدر: منتديات لمني بشوق - من قسم: (✿) وَزْن وَقَافِيْه