اسمك

[أهواه والله أهواه]

اسمك

السلام عليكم ورحمة الله وبركاته



صباح / مساء الخير عالجميع

بصراحه احترت ما الذي أبدأ به مشاركتي في هذا الصرح العالي

فقررت أن أبدأ بهذه القصيده التي
أتمنى أن تنال إعجابكم ورضاكم

وهي تقريبا من الجديد القريب لقلبي

فأبدأ وأقول

اسمك نقشته داخل القلب بالدم = لو تجرح ايدي انتثر دم بإسمك

قبلك انا والهم والغم نلتم = والحين اجي ولهااان لاشفت رقمك

قبلك وانا مجهوول ماني معلم = شفتك درسك واعرف اشكال دمك

ياسيدي بالحب (يالking)إعلم = انك غرست بقلب عاشقك سهمك

ان غبت اضم الشوق واصير معدم = وان شفتك ابسط شي ودي اشمك

جمالك اربكني وحبك تكلم = شف كيف الاحساس اشتهاك بيضمك

اصبحت فيني حي تسلب وتغنم = وحبي وشوقي شي اصبح يهمك

اتعبت نفسي احفظك من بلى الهم = نسيت همي صرت انسيك همك

ياعزوتي يفدونك الخال والعم = وانا بعد باصير خالك وعمك

نذر علي لاغنيك واختار لك كم = اللي تقول ازود به لين اخمك

اسمع كلامي واحفظه ثم تولم = واعلم وخل الحب دايم بعلمك

إعلم اذا خليتني ما أتالم = أموت لاني ماتناسيت هدمك

وارجوك ساعدني وانا احط معلم = واكونك كلك بعد ما ألمك

وعد علي وان قلت انا ما اتلعثم = اني لاصونك واتلذذ بسمك

وهذا خلاص القول والدم بالدم = لا تجبر المجروح يحتاج دمك

وسلامتكم
فهد الروقي

(والعذر لعدم تنسيق القصيده فلم أستطع لخلل عندي
ومن يتكرم علينا ينسقها وله الشكر)

المصدر: منتديات لمني بشوق - من قسم: (✿) وَزْن وَقَافِيْه